მძაფრსიუჟეტიანი ფილმივით ფინალია – ბოლო წუთია, გუნდი მინიმალური სხვაობით აგებს და ჯარიმის უფლებას იღებს… მეკარე მეტოქის საჯარიმოსკენ გარბის, ჩაწოდება და გოოოოლ… რა თქმა უნდა, ასეთი რამ ბევრჯერ მომხდარა და კიდევ ბევრჯერ მოხდება მაგრამ, ალბათ სხვაგან და სხვა სტადიონებზე, ოღონდ არა ჩვენთან, არა თბილისში, არა ქუთაისში, არც ბათუმში…ასეთი რამ შეიძლებოდა ჩრდილოეთ მაკედონიასთან საბედისწერო თბილისურ ფინალში მომხდარიყო მაგრამ იდეალურ სცენარს ერთი მნიშვნელოვანი დეტალი დააკლდა – გიორგი ლორიას არ ჩაურბენია მაკედონიელთა საჯარიმოში.
… დამატებული ოთხი წუთიდან 90 წამია დარჩენილი, დავითაშვილის წაქცევისთვის დანიშნული ჯარიმისას ლორია აჩქარებით დაიძრა მეტოქის საჯარიმოსკენ და იგი გააჩერეს… ლორია თავისი, ნაკრების და თითოეული ჩვენთაგანისთვის ჰაერივით მნიშვნელივანი მატჩის გადასარჩენად დაიძრა, გაიქცა, მაგრამ გააჩერეს…
რატომ?..
რატომ?..
0:2 არ უნდა წაეგო საქართველოს ნაკრებს???
