„დიდი მუზარადის“ ტურნირების 20-გზის გამარჯვებულმა, თიხნარის მეფედ წოდებულმა რაფა ნადალმა განაცხადა, რომ მის ოჯახში სამკვდრო-სასიცოცხლოდ გადაკიდებულ გუნდებს გულშემატკივრობენ. თუმცა, ეს ოჯახურ ჰარმონიას ხელს არ უშლის.
„მამაჩემი და მთელი ჩემი ოჯახი ყოველთვის მადრიდისტა იყო, მაგრამ როდესაც ბიძაჩემი, მიგელ ანხელ ნადალი „ბარსელონაში“ თამაშობდა, რა თქმა უნდა, ჩვენ მას ვგულშემატკივრობდით. როდესაც მალიორკაზე დაბრუნდა, ჩვენ გავიყავით, ნაწილმა „ბარსელონას“ ქომაგობა განაგრძო, უმეტესობა კი „რეალისკენ“ გადავიდა“, – თქვა ესპანელმა ჩოგბურთელმა.
