კორონავირუსის პანდემიამ ბევრი რამ არია. გამონაკლისი არც ფეხბურთი და ჩვენი ეროვნული ლიგაა. აი, ახლაც, ვირუსის გავრცელების პრევენციის მიზნით, საქართველოს ფეხბურთის ფედერაციის გადაწყვეტილებით, განრიგი ისევ შეიცვალა.

მეცამეტე ტურის მატჩს, „ლოკომოტივი“ – „დინამო“ თბილისი, რომელიც 18 ოქტომბერს უნდა გამართულიყო, მიხეილ მესხის სახელობის სათადარიგო მოედანი 8 ნოემბერს უმასპინძლებს.

26 ოქტომბერს დაგეგმილი მე-13 ტურის დაპირისპირება „დინამო“ ბათუმსა და  თბილისის „ლოკომოტივს“ შორის, 26 ნოემბერს გაიმართება.

28 ოქტომბერს „დინამო“ თბილისსა და ქუთაისის „ტორპედოს“ შორის გასამართი ქართული დერბი ასევე გადაიდო და შეხვედრა 26 ნოემბერს ჩაინიშნა.

„ტორპედოსა“ და „დინამო“ ბათუმის შეხვედრა, 3 ნოემბრის ნაცვლად, 8 ნოემბერს გაიმართება.

ახლა ტურის შეხვედრებზე. „სამტრედია“ „ჩიხურას“ საქართველოს ნაკრების ყოფილი შემტევის, დაშავებული დავით თარგამაძის გარეშე „ესტუმრა.“ თამაში თბილისში, მიხეილ მესხზე ჩატარდა და სტუმართა გამარჯვებით დამთავრდა.

თელავი – საბურთალო: ჩხუბი და 1:1

მიმდინარე სეზონში „ჩიხურა“ მეტოქეებს ვაკეში მასპინძლობს. საჩხერეში კი სტადიონის რეკონსტრუქცია მიმდინარეობს. დასავლეთ ტრიბუნისა და ადმინისტრაციული კორპუსის მშენებლობის შემდეგ, ბალახის საფარსაც აგებენ. სამუშაობს თურქული კომპანია ასრულებს. თუმცა, სტუმრებს ზემოიმერლები ალბათ გაზაფხულიდან მიიღებენ.

„მერანმა“ „დილას“ მნიშვნელოვანი ქულები დააკარგვინა (0:0) და დიდი ხნის შემდეგ პირველად დაშორდა ბოლო ადგილს.

მთავარი ამბები კი თელავში მოხდა, სადაც „თელავი“ „საბურთალოს“ მასპინძლობდა. ჯერ ის ვთქვათ, რომ ბოლო დროს ორივე გუნდმა გაიუარესა მაჩვენებლები. საბურთალოელებმა ევროსაგზურისთვის ბრძოლა გაირთულეს, თელაველები კი ფლეი აუტის ზონას დაუახლოვდნენ.

ამიტომ, ეს მატჩი ერთობ მნიშვნელოვანი იყო ორივე გუნდისთვის. თუმცა, შეხვედრამ სპორტული თვალსაზრისით დიდი ვერაფერი შთაბეჭდილება დატოვა. სამაგიეროდ, უკვე დამატებულ წუთებზე მონასტერი აირია. ფეხბურთელებმა ძიძგილაობა დაიწყეს. შედეგად მსაჯმა სამი მოთამაშე გააძევა.

ბაშალეიშვილი და რუხაძე მასპინძელთაგან და მეკარე კუპატაძე სტუმართაგან. უეცრად ტრიბუნებზე მაყურებლებიც გამოჩდნენ, რომლებსაც კარგი მამა-პაპური გინება არ დაუკლიათ იქაურობისთვის.

კიდევ კარგი, ყველაფერი გუნდურ ჩხუბში არ გადაიზარდა.

თამაში 9 წუთით შეწყდა.

ჩიხურა – სამტრედია 0:1 

0:1 თოთაძე (87 პენ)

მერანი – დილა 0:0

თელავი – საბურთალო 1:1

0:1 მარგველაშვილი (8), 1:1 რუხაძე (16)

გაძევება: ბაშალეიშვილი (90+3 თელავი), რუხაძე (90+6 თელავი), კუპატძე (90+6 საბურთალო)

გუნდითამაშიმოგებაფრეწაგებაბურთებიქულა
დინამო18124233:940
ბათუმი18106229:1436
დილა1886429:1730
ლოკომოტივი1885530:2329
საბურთალო1876528:2127
თელავი18412221:1424
სამტრედია1854914:2319
ტორპედო1845917:3017
ჩიხურა18341118:4013
მერანი1806126:346

მეგოლეები: მიკოლა კოვტალიუკი (დილა) – 8, ჯაბა ჯიღაური (ბათუმი) – 7, ნუგზარ სპანდერაშვილი (დილა) – 6, გიორგი ფანცულაია (ტორპედო), ბექა  ქავთარაძე (საბურთალო),     ირაკლი სიხარულიძე (ლოკომოტივი) – 5