უეფას პრეზიდენტმა ალექსანდერ ჩეფერინმა გაისად გასამართ ევროპის ჩემპიონატზე ისაუბრა. ყველაფერი რიგზე ვერ არის, კორონავირუსმა ბევრი რამ აურია და შესაძლოა, კიდევ აურიოს.
– ახლა მხოლოდ იმის თქმა შეგვიძლია, რომ ევროპის ჩემპიონატი აუცილებლად ჩატარდება. თუმცა შესაძლოა, მასპინძელი ქალაქების რიცხვი შემცირდეს. ანუ, ევრო-2020 არა 12 ქალაქში, არამედ 11-ში, ან 6-ში, ან 5-ში გაიმართოს. არაა გამორიცხული, რომ ერთ კონკრეტულ ქვეყანაში ჩატარდეს, – თქვა უეფას პრეზიდენტმა
როგორც იცით, ევრო 2020 გაისად კი ჩატარდება, მაგრამ სახელი შეინარჩუნა. მაინც 2020 იქნება.
ჩემპიონატი 12 ქალაქშია დაგეგმილი, მაგრამ დიდი ალბათობით, ბაქო და სანქტ-პეტერბურგი პირველები გამოაკლდებიან…
შეგახსენებთ, საქართველოს ნაკრები თუ გავიდა ევროპაზე, ჯგუფში ორი მატჩი ბუქარესტში უწევს და ერთი – ამსტერდამში. თუმცა როგორც დავწერეთ, შესაძლოა, ყველაფერი თავდაყირა დადგეს.
