No description available.ხვალ პოლონურ ქალაქ ტიხიში, კატოვიცედან 20 კილომეტრში რომ მდებარეობს, საქართველოს ეროვნული გუნდი სომხეთისას დაუპირისპირდება.
მატჩი ევროპის ერთა ლიგის C დივიზიონის მეორე ჯგუფის ეგიდით იმართება და ბუნებრივია, დიდი მნიშვნელობა აქვს, მაგრამ ქართველთა და სომეხთა საფეხბურთო ბატალიებში გახარჯულ ემოციას რომელი ტურნირის ფორმატი და სამი ქულა დაიტევს?
ყველაფერს თავი დავანებოთ და „დინამოზე“ მამაჩემმა პირველად 1978 წელს სწორედ ერევნის „არარატთან“ მატჩზე წამიყვანა…
ან ის როგორ ამოიშლება მეხსიერებიდან, რომ ჩვენი ნაკრების ყველაზე შედეგიანი მატჩი სომხეთთან სრულიად არაამხანაგური 7:0 მოვიგეთ…
ან ის როგორ არ გავიხსენოთ, „რაზდანის“ გახსნა ერევანში ჩვენი „დინამოს“ სტუმრობას რომ დაამთხვიეს, ახალ სტადიონზე პირველი ოფიციალური ჯადო-გოლი კი მანუჩარ მაჩაიძემ გაიტანა…
წაგებითაც წაგვიგია, როგორ არა და მათ შორის თბილისშიც. ემოცია კი ყოველთვის ზღვა იყო. ნაკრებების დონეზე ოფიციალურად ხვალ პირველად ვხვდებით. სომხეთის ნაკრები პოლონეთში ჩარტერით წუხელ ჩაფრინდა. გუნდთან ერთადაა მათი ნაკრების უპირობო ლიდერი გენრიხ მხითარიანი „რომადან“. მის გარდა ბაკრებში 23 ფეხბურთელია:
მეკარეები: დავიდ იურჩენკო (შახტიორი, ყაზახეთი), ანატოლი აივაზოვი (ურარტუ), არსენ ბეგლარიანი (ურარტუ).
მცველები: კამო ოგანესიანი (კაირატი, ყაზახეთი), არმან ოგანესიანი (ტობოლი, ყაზახეთი), ვარაზდატ აროიანი (ტამბოვი, რუსეთი), ანდრე ჩელიშირი (გეტებორგი, შვედეთი), სერონ გრიგორიანი (პიუნიკი), აიკ იშხანიანი (განძასარი), ტარონ ვოსკანიანი (ალაშკერტი).
ნახევარმცველები: გენრიხ მხითარიანი (რომა, იტალია), ედგარ ბაბაიანი (ხობრო, დანია), გევორქ კაზარიანი (აელ, კვიპროსი), გეგან კადიმიანი (ნემანი, ბელარუსი), ტიგრან ბარსეგიანი (ასტანა, ყაზახეთი), ვაან ბიხახჩიანი (ჟილინა, სლოვაკეთი), არტაკ გრიგორიანი (ალაშკერტი), ანგულო ვბეიმარი (განძასარი), არტურ გრიგორიანი (პიუნიკი), სოლომონ უდო (შირაკი), იური გარეგინიანი (ნოა), ბენიკ ოგანესიანი (ნოა).
თავდამსხმელი: ალექსანდრ კარაპეტიანი (ტამბოვი, რუსეთი).
განაცხადში ერთადერთი ნომინალური ფორვარდია და ისიც თბილისური ფესვებით. 32 წლის ალექსანდრ კარაპეტიანის თბილისშია დაბადებული. 11 წელიწადი თბილისში, დიდუბეში ცხოვრობდა და როცა ბებიასთან ერთად „დინამოს“ სტადიონს ჩავუვლიდა, იქ გოლის გატანაზე ოცნებობდა. ისე, ჩვენმა ბიჭებმა ისიც უნდა გაითვალისწინონ, რომ კარაპეტიანს ჩინებულად ესმის ქართული.
მოკლედ: ხვალ მოედანზე მთელი ენერგია გაიხარჯება და მოგება 3 ქულაზე გაცილებით მეტად ფასობს.
No description available.ამასობაში კი ტიხის საქართველოს ნაკრები ესტუმრა. ცუდი ამბავი ისაა, რომ საკადრო პრობლემებს ჩვენი გუნდი ვერც სომხებთან მატჩის წინ აცდა. გიორგი ჩაკვეტაძისა და დავით ხოჭოლავას გარდა, რომელებზეც აქამდეც ვიცოდით, კვირას ვერც გურამ კაშია და ოთარ კაკაბაძე ითამაშებდნენ, ორივე ტრავმირებულია.

სომხეთის ნაკრებთან სათამაშოდ ვაისის განკარგულებაში ესენი არიან.

მეკარეები: გიორგი ლორია (ანორთოსისი, კვიპროსი), გიორგი მაკარიძე (ალმერია, ესპანეთი), ლაზარე კუპატაძე (საბურთალო)

მცველები: გია გრიგალავა (არსენალი, რუსეთი), სოლომონ კვერკველია (როტორი, რუსეთი), ნიკა მალი (საბურთალო), ჯიმი ტაბიძე (უფა, რუსეთი), ლაშა დვალი (ფერენცვაროში,უნგრეთი), მამუკა კობახიძე, გიორგი ნავალოვსკი (ორივე – დინამო ბათუმი)

ნახევარმცველები: ჯაბა კანკავა, ნიკა კვეკვესკირი (ორივე – ტობოლი, ყაზახეთი), გიორგი აბურჯანია (ოვიედო, ესპანეთი), მურთაზ დაუშვილი (ანორთოსისი, კვიპროსი), ლევან შენგელია (ქონიასფორი, თურქეთი), საბა ლობჟანიძე (ანკარაგუჯუ, თურქეთი), ხვიჩა კვარაცხელია (რუბინი, რუსეთი), ვაკო გვილია (ლეგია, პოლონეთი), ჯაბა ჯიღაური (დინამო, ბათუმი), ოთარ კიტეიშვილი (შტურმი, ავსტრია)

თავდამსხმელები: გიორგი ქვილითაია, თორნიკე ოქრიაშვილი ( ორივე – ანორთოსისი,  კვიპროსი), ვაკო ყაზაიშვილი (სან ხოსე, აშშ), ელგუჯა ლობჯანიძე (კაისარი, ყაზახეთი), ნიკა კაჭარავა (ლეხი,პოლონეთი)

შეგახსენებთ, C ლიგის პირველ ტურში საქართველომ სტუმრად ესტონეთს 1:0 მოუგო, მერე კი ჩრდ. მაკედონიასთან 1:1 ითამაშა. სომხებმა შინ ესტონეთს 2:0 მოუგეს, ამავე ანგარიშით კი  მაკედონიასთან სტუმრად დათმეს.

სურათი შეიძლება შეიცავდეს: 3 ადამიანი, ხალხი თამაშობს

 

დაკავშირებული სტატიებიმეტი ავტორი