სერენა უილიამსი საფრანგეთის ღია პირველობიდან მეორე წრის მატჩის წინ მოიხსნა და ბულგარელი ცვეტანა პირონკოვა 1/16-ფინალში უბრძოლველად გაატარა.
სერენას მოხსნის მიზეზი აქილევსის მყესის ტრავმა გახდა, რომელმაც ჯერ კიდევ ამერიკის ღია პირველობისას იჩინა თავი.
ჩოგბურთის ცოცხალ ლეგენდას „როლან გაროსი“ სამჯერ ერთეულთა, ორჯერ კი წყვილთა თანრიგში აქვს მოგებული, მაგრამ 39 წელი სპორტის ამ სახეობაში იმდენად კრიტიკულია, დიდ გამარჯვებებს რომ სპორტსმენს ვეღარ მოსთხოვ.
