FIFA ნაკრებში თამაშის წესებს ამარტივებს – ფეხბურთელს ერთ ნაკრებში თამაშის შემდეგ, მეორე ქვეყნის სახელით გამოსვლის უფლებაც ექნება. თუმცა, მხოლოდ იმ შემთხვევაში, თუ პირველი ქვეყნის ეროვნულ გუნდში 3 ოფიციალურ მატჩზე მეტს არ ჩაატარებს.
პლუს, საფეხბურთო მოქალაქეობას ვერ შეიცვლის ის ფეხბურთელი, რომელიც მონაწილეობას მსოფლიო თასზე ან რომელიმე კონფედერაციის მიერ ჩატარებულ ფინალურ ტურნირზე მიიღებს.
FIFA-ში ასევე განიხილავენ პირველ ნაკრებში დაბრუნების საკითხს, იმ შემთხვევაში, თუ ფეხბურთელი მეორე ეროვნულ გუნდში ოფიციალურ შეხვედრას არ ჩაატარებს.
ახალი წესები ძალაში სექტემბრიდან შევა, თუ ონლაინკონფერენციისას 211 ეროვნული ფედერაცია ახალ წინადადებას მხარს დაუჭერს.
