იაპონიაში უმაყურებლებოდ მიმდინარე ივლისის ბაშოზე კარგად მისდის საქმეები ლევან გორგაძეს. პრინციპში, ეს მოსალოდნელიც იყო. ტოჩინოშინად მონათლული ქართველი მხოლოდ მე-11 მაეგაშირას სტატუსით ასპარეზობს და, შესაბამისად, მეტოქეებიც შედარებით სუსტი ჰყავს. ლევანი ტრავმებმა გატანჯეს, თორემ ოსტატობა არსად გამქრალა, რაც ტურნირის მე-9 დღესაც დაადასტურა.მისმა მეტოქე ისიურამ ილეთის ჩატარება სცადა, მაგრამ ქართველმა იაპონელის ქამარი მოიხელთა და წრიდანაც გადგა.
ტოჩინოშინს დადებითი ბალანსის დასაბევებლად დარჩენილ 6 შეხვედრაში 2 გამარჯვებაც ყოფნის, მაგრამ რაც უფრო შთამბეჭდავი იქნება ბალანსი, მით სერიოზული იქნება სარეიტინგო წინსვლა.
მეშვიდე გამარჯვების მოპოვებას ლევანი კოტოიუკისთან ეცდება, ვისაც აქამდე გამართულ შეხვედრებში მშრალი ანგარიშით – 6:0 უგებს.
