შეგახსენებთ, რომ სანდრო კოლეჯის გუნდ „სეტონ ჰოლის“ ღირსებას იცავს და გაისადაც იქ შეუძლია ითამაშოს, თუმცა დრაფტზე კანდიდატურა მაინც დააყენაა. არაფერს კარგავს – წლეულს შეუძლია მოხსნას კანდიდატურა, კოლეჯი დაამთავროს და 2021 წელს ხელახლა დადგეს.
სანდრო ამ სეზონში „სეტონ ჰოლში“ 11.9 ქულასა და 6 მოხსნას აგროვებდა.
პირველად ქართველთაგან NBA-ში ვლადიმერ სტეფანიამ ითამაშა, რომელიც „სიეტლმა“ 1998 წელს აიყვანა. იმასაც შეგახსენებთ, რომ ერთმანეთის მიყოლებით NBA-ის დრაფტზე ქართველი 2004 წლის შემდეგ არ აურჩევიათ. 2002 წელს „დენვერმა“ ნიკა ცქიტიშვილი აიყვანა, 2003 წელს „ორლანდომ“ – ზაზა ფაჩულია, 2004 წელს „ატლანტამ“ – ვიქტორ სანიკიძე და იმავე საღამოს „სან ანტონიოს“ დაუთმო, თუმცა ვიკას NBA-ში არ უთამაშია.
მას შემდეგ ოკეანის გაღმა კიდევ ორი ქართველი აირჩიეს: 2012 წელს თორნიკე შენგელია „ფილადელფიამ“ აიყვანა და „ბრუკლინს“ დაუთმო, ხოლო 2019 წელს „ინდიანამ“ გოგა ბითაძე მე-18 ნომრად მიიღო.
ვნახოთ, აბა, წლეულს რა იქნება…
