როგორც იქნა დასრულდა მატჩი, რომელიც 15 დეკემბერს დაიწყო.
ისტორიას არ ახსოვს საფეხბურთო მატჩი ამდენი ხნით გაგრძელებულიყო. საქმე ეხება ესპანეთის სეგუნდა დივიზიონის გუნდების, „რაიო ვალეკანოსა“ და „ალბასეტეს“ შეხვედრას, რომელიც 179 დღის შემდეგ დასრულდა.
თამაში პირველი ტაიმის დასრულებისთანავე, გულშემატკივრების მიერ გამოყენებული შეურაცხყმყოფელი შეძახილების გამო შეწყდა. მასპინძელთა ქომაგები „ალბასეტეს“ ფორვარდის, უკრაინელი რომან ზოზულიას მისამართით სკანდირებდნენ, რომ ის ნაცისტი იყო. შექმნილი მდგომარეობიდან გამომდინარე, ორივე გუნდის ფეხბურთელებმა მთავარ მსაჯს შეხვედრის შეწყვეტა სთხოვეს.
არბიტრმა მათი თხოვნა დააკმაყოფილა. სეგუნდა დივიზიონის ხელმძღვანელები კი, მატჩის დასრულებას თებერვალში გეგმავდნენ, მაგრამ კორონავირუსის გამო ვითარება შეიცვალა.
საბოლოოდ, შეხვედრის დარჩენილი 45 წუთის გამართვა მოხერხდა. „რაიომ“ ადვინკულას გოლით 1:0 მოიგო…
