„ლივერპულს“ ნანატრ ჩემპიონობასთან ექვსი ქულა აშორებს. რთულად წარმოსადგენია, მერსისაიდელებმა ეს უპირატესობა ცხრა ტურში გაანიავონ. თუმცა, მოახლოვებულ ჩემპიონობას ერთი მინუსი აქვს – კორონავირუსის პანდემიის გამო, გუნდი პრემიერლიგის მოგებით გამოწვეულ სიხარულს ვერ გამოხატავს და ვერც საჩემპიონო ალღუმს ჩაატარებს.
„ლივერპულის“ გულშემატკივრები დიდი ხანი ელოდნენ ჩემპიონობას. პრემიერლიგის ასეთი დასასრული კი, საუკეთესო ვარიანტი ნამდვილად არ არის და ზეიმის უხმოდ აღნიშვნას, იდეალურს ვერ დავარქმევთ. არც მე მაქვს სურვილი სტადიონზე მარტომ ვიზეიმო, მერე სახლში წავიდე და ლუდიც მარტომ დავლიო. თუმცა, მთავარია, ტიტული გვაქვს და შეგვიძლია საჩემპიონო ალღუმი მომავალი სეზონის შუაში ჩავატაროთ. ამის გამო თუ ვინმე იფიქრებს, გიჟები ვართ, ამაზე არ ვიდარდებთ“, – ამბობს კლოპი.
