ნაციონალური საკალათბურთო ასოციაცია თითქმის ჩიხური სიტუაციიდან გამოსავლის ვარიანტებს ეძებს. ცუდი სცენარის მიხედვით 2020-2021 წლების სეზონი ცარიელი ტრიბუნების წინ ჩაივლის. ოპტიმისტური პროგნოზით კი შესაძლოა, ლიგამ ტრიბუნების 10-15 პროცენტით დატვირთვის ნებართვა მიიღოს. ეს ერთ მატჩზე დაახლოებით 5-6 ათასი ქომაგის დაშვებას ნიშნავს. თუმცა, ჯერ მიმდინარე სეზონის რებუსია ამოსახსნელი.ლიგის ხელმძღვანელობას ყველაზე ოპტიმალურად მიმდინარე სეზონის ერთ ქალაქში ჩამთავრება ესახება. მსურველ ქალაქებს შორის არიან ლას-ვეგასი, ატლანტიკ-სიტი, ლუისვილი და ჰონოლულუ.
გამოკვეთილი ფავორიტი კი ორლანდოში მდებარე დისნეილენდია. სპეციალისტები ზღაპარქალაქის კოზირებად მაღალი დონის სასტუმროების საჭირო ოდენობას, სავარჯიშოდ აუცილებელი საკალათბურთო მოედნების სიმრავლეს და მაღალი დონის ტელერეპორტაჟების უპრობლემოდ განხორციელებას თვლიან.
