ჰოლდინგმა City Football Grup მორიგი შენაძენი გააკეთა. ბელგიური „ლომელი“ ინგლისური „სიტის“ ჩათვლით ამ ჰოლდინგის უკვე მეცხრე შენაძენია.„ლომელი“ ბელგიის მეორე დივიზიონში მეექვსე ადგილზე გავიდა. შესაძენად საკმარისი აღმოჩნდა 1,75 მილიონი გირვანქის ოდენობის ვალების გასტუმრება, თუმცა ჰოლდინგი „ლომელის“ განვითარებაში სერიოზული ინვესტიციის განხორციელებას აპირებს.
„მან.სიტისა“ და „ლომელის“ გარდა ჰოლდინგის სტრუქტურაში შედიან: ამერიკული „ნიუ-იორკ სიტი“, ავსტრალიური „მელბურნ სიტი“, ინდური „მუმბაი სიტი“, იაპონური „იოკოჰამა მარინოსი“, ურუგვაული „მონტევიდეო სიტი ტორკე“, ჩინური „სიჩუან ცზიუნიუ“ და ესპანური „ჟირონა“.
