„ბარსელონა“, „ინტერი“ და „მანჩესტერ სიტი“ სამმაგ გაცვლას ამზადებენ.
საყოველთაოდ ცნობილია, რომ ესპანურ კლუბს ხელში ლაუტარო მარტინესის ჩაგდება სურს. „ბარსამ“ მილანურ კლუბს რამდენიმე ვარიანტი შესთავაზა, მაგრამ „ინტერი“ ვერაფრით დაკმაყოფილდა. ჰოდა, ახლა ვარიანტს მიაგნო.
იტალიური მედიის ცნობით, „ბარსა“ სამმაგ გაცვლას ამუშავებს, რომელშიც „მანჩესტერ სიტიც“ ჩაერთვება. ესპანელთა ჩანაფიქრით ნელსონ სემედუ ინგლისში გაემგზავრება, რომელიც თავის მხრივ „ინტერს“ ჟოან კანსელუს მიაწვდის. ასე მიიღებენ მილანელები საკმაოდ სოლიდურ ფინანსურ აქტივს და ფასს დაუგდებს მარტინესს, რომელიც ბარსელონაში გადაბარგდება.
როგორც უკვე იცით, „ბარსამ“ სემედუ პირდაპირ შესთავაზა „ინტერს“, მაგრამ უარი მიიღო. სამაგიეროდ, მისით პეპ გვარდიოლაა დაინტერესებული. თავის მხრივ კანსელუ „ინტერში“ თამაშობდა, საკმაოდ წარმატებულად და მილანური კლუბისთვის კარგად ნაცნობია.
