სულ რაღაც ერთი თვის წინ კორონავირუსის გავრცელება იმდენად მასშტაბური გახდა, ქვეყნის ჯანდაცვის მინისტრმა აღიარა, რომ სიტუაცია უკონტროლო გახდა. თურქეთში სადღეისოდ აზიაში ყველაზე მეტი, დაახლოებით 130 ათასი ინფიცირებული ჰყავთ, მაგრამ ბოლო დღეებში სიტუაცია დასტაბილურდა, დაავადებულთა მატებაც აღარაა კატასტროფული და საფეხბურთო სამყარომ მომავლის დაგეგმვა შეძლო.
სამშაბათს ფეხბურთის ფედერაციის პრეზიდენტი ნიჰათ ოზდემირი ქვეყნის ჯანდაცვის მინისტრს შეხვდა და ამის შემდეგ მოულოდნელად ოპტიმისტური განცხადება გააკეთა: ყველა ლიგა სამოყვარულოების ჩათვლით 12-14 ივნისს განახლდება. თუ სიტუაციის გაუმჯობესების ტენდენცია შენარჩუნდა, დარჩენილი 8-დან 4 ტურს გუნდები მაყურებლებით სავსე ტრიბუნების წინ გამართავენ. არანაკლებ მნიშვნელოვანია, რომ ნეიტრალურ სტადიონებზე საუბარიც არ ყოფილა – ყველა გუნდი საკუთარ კედლებში გამართავს საშინაო მატჩს.
ბუნებრივია, დაითქვა პირობებიც: მკაცრი კონტროლი და რეგულარული ტესტირება ფეხბურთელების და სხვა პერსონალის დაცვის მიზნით. აგრეთვე, მზადყოფნა მყისიერი რეაგირებისთვის, თუკი სიტუაცია გართულდება.
წილი
წინა სტატიაკახა!
შემდეგი სტატიავავრინკა წლეულს ფიქრობს, ნადალი – საგაისოდ
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".