რამდენიმე დღის წინ გაცნეთ, რომ ფიფამ მისი წევრი 211 ასიციაციის დასახმარებლად 150 მილიონი დოლარი გამოძებნა და გადაანაწილა.
ფიფას უეფამაც მიბაძა, ჯიბეზე ხელი გაიკრა და ერთბაშად 236,5 მილიონი ევრო გამოყო ეროვნული ასოციაციებისთვის. საქართველოს ფეხბურთის ფედერაცია, სხვა 54 ასოციაციის დარად, 4,3 მილიონ ევროს მიიღებს.
უეფა პროგრამა „ჰეთ თრიქის“ ფარგლებში ფინანსებს სხვა დროსაც ანაწილებს და ეს ფული ოპერატიული ხარჯების გარდა ფეხბურთის გარკვეული მიმართულების განსავითარებლად არის ხოლმე მიმართული.
ამჯერად განაწილებული მილიონები კორონავირუსის პანდემიასთან ბრძოლას და მისი შედეგების შემსუბუქებას უნდა მოხმარდეს.
