ჟოზე მოურინიუ ინგლისის პოლიციამ შეიძლება დააჯარიმოს. მიზეზი: „განსაკუთრებულმა” „ტოტენჰემ ჰოთსპურის” ფეხბურთელები პარკში გაიყვანა და ავარჯიშა. ჩრდილოეთ ლონდონში „ჩაქუჩების” ეს აქცია შეუმჩნეველი არ დარჩენილა და სოციალურ ქსელებში ამის დამადასტურებელი ფოტოები და ვიდეოკადრებიც გამოჩნდა.
აღსანიშნავია, რომ „სფურზმა” აქამდე ორი მიმართვა გაავრცელა, სადაც გულშემატკივარს სოციალური დისტანციის დაცვისკენ მოუწოდებდა, თავად კი, როგორც ფოტოებიდან ჩანს, საკუთარი მოწოდება დაარღვია. პარკში ვარჯიშის დროს ლონდონელი ფეხბურთელები ერთმანეთთან ორ მეტრზე აშკარად ახლოს იდგნენ.
„სანი” წერს, რომ ერთ-ერთი ფეხბურთელი, რომელიც პორტუგალიელმა სავარჯიშოდ გაიყვანა, 65 მილიონ გირვანქად ნაყიდი ტანგუ ნდომბელე გახლდათ.
მავანთა ვიდეოჩანაწერში აგრეთვე ჩანან დევინსონ სანჩესი და რაიან სესენიონი. თანაგუნდელთან 2 მეტრზე ახლოს დარბოდა სერჟ ორიეც.
