ბრიტანულ მედიას თუ ვენდობით, მომავალ კვირაში „უიმბლდონის“ წლევანდელი საჩოგბურთო ტურნირის გაუქმება ოფიციალურად გაცხადდება. ინგლისის საჩოგბურთო კლუბის დირექტორთა საბჭოს სხდომა წინა კვირას იყო დაანონსებული, მაგრამ მხოლოდ რამდენიმე დღეში გაიმართება ტელე-კონფერენციის ფორმატში.
ელიან, რომ საბჭო 1945 წლის შემდეგ პირველად გამოაცხადებს უპრესტიჟულესი ტურნირის გადადების ამბავს. „უიმბლდონი 2020“ 29 ივნისიდან 12 ივლისამდე შუალედში უნდა გამართულიყო.
საინტერესოა, რომ სხვა სპორტული ღონისძიებებისგან განსხვავებით, სლემ ტურნირის ორგანიზატორები არ იზარალებენ – წინდახედულ ინგლისელებს რამდენიმე წლის წინ „უიმბლდონი“ პანდემიის შემთხვევებისგანაც დაუზღვევიათ.