გიორგი პაპუნაშვილმა კლუბი შეიცვალა – „სარაგოსამ“ ქართველი ფეხბურთელი სეზონის ბოლომდე „რასინგში“ გაანათხოვრა.
საქართველოს ნაკრების 24 წლის შემტევი ნახევარმცველი ლა ლიგა 2-ის ბოლოსწინაადგილოსან გუნდში 30 ივნისამდე ითამაშებს.
პაპუნაშვილი „სარაგოსაში” 2017 წლის ზაფხულიდან თამაშობს და მას შემდეგ ჩატარებულ 53 მატჩში 13 გოლის გატანა და 3 საგოლე პასის გაკეთება მოახერხა.
„სარაგოსა“ ესპანეთის რანგით მეორე დივიზიონში მესამე ადგილზეა და ელიტაში ასვლის ერთ-ერთი მთავარი კანდიდატია. ასე რომ, გუნდში დაბრუნების შემთხვევაში, მომავალ სეზონში პაპუნაშილმა შესაძლოა ლა ლიგაში ითამაშოს.
