პეგასმა ორი მოიგო

თბილისის ოლიმპიურ სასახლეში ორი დღის განმავლობაში მიმდინარეობდა ხელბურთელ კაცთა საქართველოს ჩემპიონატის მეექვსე და მეშვიდე ტურის მატჩები. პირველ შეხვედრაში ერთმანეთს დაუპირისპირდნენ „პეგასი” და „სამტრედია”, რომელთაც 6 ქულა ჰქონდათ და როგორც თანაბარქულიანებს თითქოს ბრძოლაც თანაბარი უნდა გაემართათ, მაგრამ „პეგასმა” იოლად გაიმარჯვა — 38:27.

„გორისა” და წყალტუბოს „პრომეთეს” შეხვედრის პირველი ტაიმი დასრულდა 14:14. მეორე ტაიმიც ფრიად დაძაბული გამოდგა. საბოლოოდ გორელებმა იძალეს — 30:29.

მეორე დღეს, „პეგასმა” მოუგო „პრომეთეს” — 28:23, ხოლო „გორმა” 39:36 დაამარცხა „სამტრედია”. პირველი წრე 17-18 დეკემბერს ქუთაისში დასრულდება.