67-ე წუთზე, მსაჯმა გიორგი ყრუაშვილმა, საბურთალოელ ნიკა სანდოხაძეს მეორე ყვითელი ბარათი უჩვენა და მოედნიდან დაითხოვა. ეს ეპიზოდი გადამწყვეტი აღმოჩნდა მატჩში.

მატჩში, რომლის პირველ ნახევარში მოქმედი ჩემპიონი „საბურთალო“ სჯობდა მეტოქეს და კოხრეიძის ეფექტური გოლით უგებდა კიდეც.

ნიკა სანდოხაძე მსაჯმა მოედნიდან ნაადრევად დაითხოვა ბადრი კეთილაძის ფოტო

მეორე ტაიმში სცენარი დიდად არ შეცვლილა, ეგ არის, მასპინძელი „დინამო“ უფრო გააქტიურდა და მეტოქე მეტად შეავიწროვა. 67-ე წუთი ვახსენეთ. სანდოხაძის გაძევებას და ამ მიზეზით  დანიშნულ ჯარიმას საპასუხო გოლი მოჰყვა. ნიკა ნინუამ უკვე შეგვაჩვია და ამჯერადაც კიდევ ერთი ულამაზესი საჯარიმო გაიტანა. ექვს წუთში კი მანვე პენალტი დაარტყა ზუსტად და დინამოელები წინ გაიყვანა.

ეს ყველაფერი 23-ე ტურის გადმოტანილ მატჩში ხდებოდა. რომლის შემდეგაც „დინამო“ ლიდერ „ბათუმს“ ქულებით გაუთანაბრდა და ბურთების უკეთესი ბალანსის გამო, პირველ ადგილზე დადგა.

აი, „საბურთალოს“ კი, ალბათ ძალიან გაუჭირდება ჩემპიონობის შენარჩუნება. ის ხომ უშუალო კონკურენტებს უკვე შვიდი ქულით ჩამორჩა.

6 ოქტომბერს, „დინამო“ ანგისას ბაზაზე „ბათუმს“ ესტუმრება. უმნიშვნელოვანესი მატჩი იქნება, რომელიც დიდად განსაზღვრავს ჩემპიონობის ბედს. ბათუმელი გულშემატკივრების ხმაურიანი წარმოდგენების ამბავი კარგად მოგეხსენებათ და ძნელი მისახვედრი არ უნდა იყოს, თბილისელები რამხელა ფსიქოლოგიური წნეხის ქვეშ მოექცევიან.

და ბოლოს, 89-ე წუთზე, დინამოელთა შემადგენლობაში განელი კვამე კარიკარი ლევან მჭედლიძემ შეცვალა. ეს საქართველოს ნაკრების თავდამსხმელის დებიუტი გახლდათ ქართული გუნდის მაისურით. მანამდე, 29 წლის შემტევს, კარიერის განმავლობაში მხოლოდ იტალიურ კლუბებში: „პალერმოსა“ და „ემპოლიში“ ეთამაშა.

დინამო 2:1  საბურთალო

0:1 კოხრეიძე (42), 1:1, 2:1 ნინუა (69, 75 პენ)

დინამო: პერალესი, მონხილი, კობოური, კარიკარი (მჭედლიძე 90+1), დაფე (შულაია 87), პაპავა, ქიმაძე, იაშვილი, კაპლიენკო, ნინუა, შიშკა (ზარია 50)

მწვრთნელი: ფელის ვისენტე

საბურთალო: კუპატაძე, მალი, მარგველაშვილი, სანდოხაძე, დიასამიძე, რეხვიაშვილი, ტერა (როლოვიჩი 77), ალთუნაშვილი, ტაბატაძე (ლაკვეხელიანი 58), კოხრეიძე (ჩაბრაძე 66), გაბედავა

მწვრთნელი: გიორგი ჭიაბრიშვილი

მსაჯი: გიორგი ყრუაშვილი

გაფრთხილება: სანდოხაძე (21), მალი (31), კუპატაძე (86)

გაძევება: სანდოხაძე (67)

სატურნირო მდგომარეობა
გუნდითამაშიმოგებაფრეწაგებაბურთებიქულა
დინამო34216766:3069
ბათუმი34207754:2867
საბურთალო34197859:3464
ლოკომოტივი341541540:4449
ჩიხურა3411111245:4044
დილა341191437:4042
ტორპედო341181550:5241
სიონი341081636:7338
რუსთავი349101537:5237
ვიტ-ჯორჯია34482215:4620

5 ოქტომბერი: სიონი – დილა, ლოკომოტივი – ტორპედო

6 ოქტომბერი: ჩიხურა – ვიტ ჯორჯია, რუსთავი – საბურთალო, ბათუმი – დინამო

მეგოლეები: ლევან კუტალია (დინამო) – 17, ფლამარიონი (ბათუმი), – 15, ბუდუ ზივზივაძე (ტორპედო/მეზოკოვეშდი უნგრეთი) – 13, ლევან შენგელია (დინამო/ქონიასფორი თურქეთი) – 12