დინამო – დილა 5:0. ნოდარ ქავთარაძის გოლი ბადრი ქავთარაძის გოლი

სანაკრებო პაუზის წინა ტურს, სატურნირო თვალსაზრისით ბევრი არაფერი შეუცვლია. ლიდერი კვლავ ბათუმის „დინამოა,“ მას კვალში თბილისელი თანაკლუბელები მიჰყვებიან, მესამეზე კი „საბურთალოა,“ რომელიც პირველადგილოსან „ბათუმს“ ხუთი ქულით ჩამორჩება, თუმცა ორი მატჩით ნაკლები აქვს ჩატარებული.

მოქმედმა ჩემპიონმა „საბურთალომ,“ „ჩიხურას“ კოხრეიძის გოლით 1:0 მოუგო და უმნიშვნელოვანესი ქულები მოიპვა. „ჩიხურა“ კი საკმაოდ ჩამორჩა საპრიზო ადგილების ზონას. ამიტომ იყო თუ სხვა მიზეზით, მაგრამ ერთ ეპიზოდში, ჩვეულებრივ თავშეკავებული საჩხერელთა თავკაცი სოსო ფრუიძე, უცებ გაცხარდა და „ლამაზი“ სიტყვები არ დაუკლია არბიტრისთვის, რომელმაც ჯერ ყვითელი, შემდეგ კი წითელი ბარათი უჩვენა სპეციალისტს.

ასე თუ გაგრძელდა, „ჩიხურას“ ძალიან გაუჭირდება ევროზონაში მოხვედრა.

რუსთავი – ბათუმი 0:2

ზედიზედ მეოთხე მატჩი მოიგო ლიდერმა ბათუმის „დინამომ.“ ზღვისპირელებმა არც თუ ურიგო ფორმაში მყოფ „რუსთავს“ სტუმრად სძლიეს. ბათუმელებმა განსაკუთრებით კარგად პირველი ტაიმი ჩაატარეს, რაც ანგარიშშიც აისახა. გოლები ფლამარიონმა და დვალიშვილმა გაიტანეს.

მოიგო ბათუმელთა უშუალო მდევარმა, თბილისის „დინამომაც.“ დინამოელებმა გორის „დილა“ გაანადგურეს 5:0. დუბლი მიითვალა ლევან კუტალიამ და 14 გოლით ბომბარდირთა დავაშიც დაწინაურდა.

როგორც იქნა, გაიმარჯვა „ტორპედომაც.“ ქუთაისელებმა აუტსაიდერ „ვიტ ჯორჯიას“ მინიმალური ანგარიშით მოუგეს. ასეთი თამაშით კი „ვეტერინარებს“ ძალიან გაუჭირდებათ ელიტაში დარჩენა.

მნიშვნელოვანი ქულები დაკარგა „ლოკომოტივმა.“ შინ ვერაფერი მოუხერხა „სიონს.“ ეგ კი არა, აგებდა და ბოლოსკენ თეიმურაზ შონიას გოლით გაათანაბრა ანგარიში.

ახლა ელიგაში სანაკრებო პაუზა დაიწყო. ჩემპიონატი 12 სექტემბერს განახლდება.

დინამო 5:0 დილა

1:0 კუტალია (13), 2:0 ქავთარაძე (29), 3:0 კუტალია (57), 4:0 შულაია (87), 5:0 კარიკარი (88)

ლოკომოტივი 1:1 სიონი

0:1 ივანიშვილი (79), 1:1 შონია (86)

ტორპედო 1:0 ვიტ ჯორჯია

1:0 ჩუკვურა (72)

რუსთავი 0:2 ბათუმი

0:1 ფლამარიონი (19), 0:2 დვალიშვილი (23)

საბურთალო 1:0 ჩიხურა

1:0 კოხრეიძე (55)

სატურნირო მდგომარეობა
გუნდითამაშიმოგებაფრეწაგებაბურთებიქულა
ბათუმი30195651:2562
დინამო30195662:2862
საბურთალო30176754:3157
ლოკომოტივი301241436:4240
ტორპედო301171248:4540
დილა301071334:3837
ჩიხურა308111137:3635
რუსთავი308101232:4534
სიონი30871532:6931
ვიტ-ჯორჯია30462013:4018

12 სექტემბერი: სიონი – საბურთალო, ჩიხურა – ტორპედო

14 სექტემბერი: დილა – რუსთავი, ბათუმი – ლოკომოტივი

15 სექტემბერი: ვიტ ჯორჯია – დინამო

მეგოლეები: ლევან კუტალია (დინამო) – 14, ბუდუ ზივზივაძე (ტორპედო/მეზოკოვეშდი, უნგრეთი ) – 13, ლევან შენგელია (დინამო) – 12, ჯოვინო ფლამარიონი (ბათუმი), ირაკლი სიხარულიძე (ლოკომოტივი) – 11