უეფას პრეზიდენტი ალექსანდერ ჩეფერინი ევროპის ლიგის თასის ფინალის ირგვლივ ატეხილ აჟიოტაჟს გამოეხმაურა…

მოგეხსენებათ, 29 მაისს ფინალურ მატჩს ბაქოს ოლიმპიური სტადიონი უმასპინძლებს. ერთმანეთს ლონდონური „ჩელსი“ და „არსენალი“ დაუპირისპირდებიან.

„მეთოფეთა“ სომეხი ნახევარმცველი გენრიხ მხითარიანი გუნდს ბაქოში არ მიყვება უსაფრთხოების გარანტიის არქონის გამო.

ჰოდა ჩეფერინიმაც ამ ამბავზე გააკეთა კომენტარი: „მხითარიანი ბაქოში არ ჩავა? კი ბატონო, ეს მისი გადაწყვეტილებაა. „არსენალს“ ფეხბურთელს უსაფრთხოების გარანტია უმაღლეს დონეზე მისცეს. ჩვენ თუ ყველა ასეთ გამოწვევას დავუხარეთ თავი, მომავალში ვერც ერთი ტურნირის ორგანიზებას ვერ შევძლებთ. არადა, საფრანგეთში ჩატარებულ ევროპის ჩემპიონატს უმაღლესად გავართვით თავი იმის მიუხედავად, რომ ტერორისტული შეტევების სამიზნე მთელი ქვეყანა იყო“.