ნავალოვსკის პირველი ბათუმური

ელიტაში დაბრუნებულმა ზღვისპირელებმა საწყისი ორი მარცხის შემდეგ, ვითარება გამოასწორეს. ბოლო ხუთ ტურში ოთხჯერ მოიგეს და ახლა თბილისელ თანაკლუბელებთან და „ტორპედოსთან“ ერთად, 2-5 ადგილებს იყოფენ.

ბათუმელთა რიგებში სადებიუტო მატჩი ითამაშა საქართველოს ნაკრების 32 წლის ტრავმამოშუშებულმა მარცხენა მცველმა გიორგი ნავალოვსკიმ, რომელსაც ბოლოს ეროვნულ ჩემპიონატში 2015 წლის 7 დეკემბერს ეთამაშა გორის „დილას“ შემადგენლობაში.

ლევან შენგელიამ რუსთავსაც ორჯერ გაუტანა                                                                                                  ბადრი კეთილაძის ფოტო

შენგელიას მეორე დუბლი

„დინამომ“ „რუსთავი“ 3:1 დაამარცხა და სასტარტო გაუგებრობის შემდეგ (ორი მარცხი), თითქოს საკუთარ თავს ემსგავსება. დინამოელთაგან ისევ ორი ბურთი გაიტანა ლევან შენგელიამ. ეს, 23 წლის შუახაზელის მეორე დუბლი გახლდათ წლევანდელ სეზონში. ჯამში კი მას 5 გოლი მოუგროვდა და საბურთალოელ ლაშა შინდაგორიძესთან ერთად, ბომბარდირთა დავასაც ლიდერობს.

ამ ტურში, დუბლით „ტორპედოს“ ქონდრისკაცი, ჭაბუკი ბრაზილიელი (სიმაღლე 160 სმ), რიჩარდ ლუკაც გამოირჩა. ეს ლეგიონერის პირველი „ორგოლა“ გახლდათ სეზონში.

საინტერესოა, რომ რუსთაველები ამ შეხვედრაში, ბადრი კვარაცხელიას ნაცვლად არმაზ ჯელაძემ დამოძღვრა. ჯერჯერობით უცნობია, რა იყო ამ ცვლილების მიზეზი. რუსთავულ კლუბს ოფიციალური განცხადება არ გაუკეთებია.

დასჯილი კაბოვერდელი

„ტორპედოსთან“ მატჩში, „გორელი“ კაბოვერდელი ალვინ ფორტესი გააძევეს ორი ყვითლის კვალად. ალვინი მეორე სეზონს ატარებს შიდაქართლურ კლუბში. ახალდაწყებულ ჩემპიონატში კი ეს ლეგიონერის პირველი გაძევება გახლდათ.

მე-7 ტური. 6-8 აპრილი

ჩიხურა 1:0 ლოკომოტივი, სიონი 2:4 ბათუმი, დინამო 3:1 რუსთავი, დილა 0:2 ტორპედო, ვიტ

გუნდითამაშიმოგებაფრეწაგებაბურთებიქულა
დინამო18124233:940
ბათუმი18106229:1436
დილა1886429:1730
ლოკომოტივი1885530:2329
საბურთალო1876528:2127
თელავი18412221:1424
სამტრედია1854914:2319
ტორპედო1845917:3017
ჩიხურა18341118:4013
მერანი1806126:346

12 აპრილი: დინამო – დილა, ლოკომოტივი – სიონი

13 აპრილი: ტორპედო – ვიტ ჯორჯია, რუსთავი – ბათუმი, საბურთალო – ჩიხურა

მეგოლეები: ლაშა შინდაგორიძე (საბურთალო), ლევან შენგელია (დინამო) – 5, ოგნიენ როლოვიჩი (საბურთალო), მიშიკო სარდალიშვილი (ჩიხურა), ლევან  კუტალია (დინამო), ჯაბა უგულავა (სიონი)  – 4

 

წილი
წინა სტატიააზარის გოლსასწაული!
შემდეგი სტატიაარ ენდოთ რუსებს!
სოლომონ გულისაშვილი
სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.