ფიფამ მორიგი რეიტინგი გამოაქვეყნა, რომელშიც საქართველომ სამი ნაბიჯით უკან დაიხია და ამჯერად 94-ე ადგილზეა.
ეს არცაა გასაკვირი, რადგან ევროპის ჩემპიონატის შესარჩევი ციკლის ბოლო ორი შეხვედრა ჩვენთვის მარცხიანი აღმოჩნდა.
რეიტინგში ჩვენზე წინ (უკაცრავად და) ტრინიდადი და ტობაგოა, კვალში კი ყირგიზეთი და ესტონეთი გვიდგანან. დიდი ვერაფერი სანუგეშო პოზიციაა და, თუ მაინც და მაინც პოზიტიურის ძებნას დავიწყებთ, ისიც სტაჟიანი ქომაგებისთვის – სომხეთი მხოლოდ 106 ადგილზეა.
ლიდერს რაც შეეხება, კვლავაც ბელგიაა, ინგლისი კი მეოთხე ადგილამდე აღზევდა.