ეს იყო ლევან გორგაძის ძირითადი კოზირი და სუმოს მწვერვალებამდეც დიდწილად საჭიდაო გამოცდილების ხარჯზე ავიდა. ოსაკაში მიმდინარე საგაზაფხულო ბაშოს სტარტზე ტოჩინოშინად წოდებულმა ქართველმა ცოტა კი გვანერვიულა, მაგრამ ზედიზედ მესამე გამარჯვებით ბალანსი მკვეთრად გაიუმჯობესა. დღეს ლევანი მიტაკუემის დაეჯახა და ისევ მარცხენა ჩავლება გამოიყენა, მერე კი უვატენაგედ წოდებული ილეთით დააჩოქა მეტოქე. ხვალ ლევანი ენდოს უნდა შეერკინოს. ჯერჯერობით მათი დაპირისპირებების ბალანსი ქართველის მცირე უპირატესობაზე მეტყველებს – 4:3. ტურნირზე დაუმარცხებელნი მხოლოდ ლეგენდარული იოკოძუნა ჰაკუჰო და დასავლეთის მეოთხე მაეგაშირა იტონოძიო დარჩნენ. იტონოძიომ დღეს სწორედ ლევანის ხვალინდელი მეტოქე ენდო დაჩაგრა. რანგით მეორე დივიზიონში ზედიზედ მეორედ დამარცხდა და ბალანსი 2:4 გაუხდა გაგამარუდ მონათლულ თეიმურაზ ჯუღელს.

წილი
წინა სტატიაწილი ნაყარია
შემდეგი სტატიარანიერის სპორტი აერია
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".