ძნელი ასახსნელია, მაგრამ ტოჩინოშინი ისევ დამარცხდა. ამჯერად ქართველმა ვერაფერი დაუპირისპირა კომუსუბი ჰოკუტოფუძის. მეტოქემ ძალისმიერი მიწოლით განდევნა ლევან გორგაძე დოჰიოდან. ეს სამ ბრძოლაში მისი მეორე მარცხია, ფეხის დაცდენის უფლება კი სულ უფრო ნაკლები რჩება.
ხვალ ტოჩინოშინის მეტოქე აღმოსავლეთის მესამე მაეგაშირა ნიშიკიგი იქნება. ჩვენებურს მასთან სამი გამარჯვება კი აქვს მოპოვებული, მაგრამ ორჯერ თავადაც დამარცხებულა. ბაშოს სტარზე 1:2 ბალანსი კატასტროფა არ არის, მაგრამ ცუდი ისაა, რომ ვეღარც ლევანის საფირმო ჩავლებებს ვხედავთ და ვეღარც დოჰიოდან გატანილ მეტოქეებს.
თუმცა იმედის უფლება ჯერ კიდევ გვაქვს.
