როჯერ ფედერერმა დუბაის ტურნირის ფინალში სტეფანოს ციციპასი დაამარცხა და კარიერაში მე-100 ტიული მოიგო.37 წლის ასაკში თანამედროვე ჩოგბურთის დატვირთვების ატანა თითქმის წარმოუდგენელია. სპორტსმენი ამ ასაკში თუკი პროფტურში არა მხოლოდ რჩება, არამედ სოლიდურ ტურნირებსაც იგებს, ნამდვილი ფანტასტიკაა.
როჯერ ფედერერს სხვა სიტყვით ვერც დავახასიათებთ, მაგრამ ცარიელ დითირამბებს მხოლოდ ფაქტები და ციფრების ენა სჯობს:
– ATP ტურში 18-წლიანი ასპარეზობის თავზე დუბაიში მე-100 ტიტული მოიგო.
– 100-ზე მეტი ტურნირი კარიერაში მხოლოდ ჯიმი კონორსს (109) აქვს მოგებული და სურვილის შენთხვევაში, როჯერი მასაც დაეწევა.
– 100 ტიტულიდან 20 დიდი სლემისაა: 8 უიმბლდონი, 6 ავსტრალიის ღია, 5 US OPEN და ერთადერთი როლან გაროსი.
– 20 სლემის გარდა როჯერმა 27 მასტერსი და წლის 6 შემაჯამებელი ტურნირი მოიგო.
– 100 ფინალში სულ 50 მეტოქე დაამარცხა. აქედან ყველაზე ხშირად რაფა ნადალი (10), ენდი როდიკი (7), ნოვაკ ჯოკოვიჩი (6), ენდი მარი (5) და მის დღევანდელ მწვრთნელ ივან ლუბიჩიჩი (4).
– 1996 წელს ფედერერმა პირველი პროფესიული მატჩი გამართა ჩელენჯერის ტურნირზე.
– 18 წლის წინ 100-დან პირველი ფინალი ფრანგ ჟულიენ ბუტიეს მოუგო. იმ ტურნირის მონაწილე 32 ჩოგბურთელიდან არც ერთი აღარ თამაშობს როჯერის გარდა.
– მეასე ფინალში დამარცხებული ციციპასის დაბადებამდე კიდევ ორი წელი იყო დარჩენილი…
საოცარია, არა ?!
უფრო საოცარი კი ისაა, რომ როჯერი მიღწეულზე შეჩერებას არ აპირებს, მხოლოდ ეს თქვა, უიმბლდონზე წლეულს უკანასკნელად ვითამაშებო.
