19 წლის ცენტრალური მცველი ალექსანდრე ანდრონიკაშვილი მადრიდის „ატლეტიკოში“ ვარჯიშობს. კერძოდ, „ატლეტიკომ“ ერთი კვირით მიიწვია.
ეს აპრობირებული გაცნობითი მეთოდია ევროპაში, როცა კლუბს ფეხბურთელი აინტერესებს: ქართველს დააკვირდებიან და ვინ იცის, შემდგომში უფრო ქმედითი ნაბიჯებიც გადადგან.
ანდრონიკაშვილი თბილისის „ლოკომოტივის“ ფეხბურთელია. მისი დიდი დამსახურებაა, რომ „ლოკომ“ შარშან საქართველოს 19-წლამდელთა ლიგა მოიგო. გადამწყვეტი გოლი ბოლო წუთებზე სწორედ მან გაუტანა თბილისის „დინამოს“. ის შეხვედრა 1:1 დასრულდა, ფრე კი „ლოკომოტივს“ აწყობდა.
ანდრონიკაშვილს „ლოკოს“ მთავარ გუნდშიც აქვს ნათამაშევი. ტანმაღალი ფეხბურთელია. არა მხოლოდ მცველად, საყრდენ ნახევარმცველადაც შეუძლია თამაში.
