ორშაბათს დუბაიში ATP-500 კატეგორიის ტურნირი დაიწყება. მასში საქართველოს პირველი და მსოფლიოს მე-20 ჩოგანი ნიკოლოზ ბასილიშვილიც მიიღებს მობაწილეობს.
დღეს გაიმართა კენჭისყრა და პირდაპირ უნდა ვთქვათ, ჩვენებურს არ გაუმართლა. პირველსავე წრეში მეტოქედ კარენ ხაჩანოვი ერგო.
ეთნიკურად სომეხი ხაჩანოვი რუსეთის საუკეთესო ჩოგბურთელია, მსოფლიო რეიტინგში კი მე-11 საფეხური უკავია. აქამდე ეს ჩოგბურთელები ორჯერ შეხვდნენ ერთმანეთს და ორივეჯერ 22 წლის სომეხმა იმარჯვა.
პრინციპში, ცუდი კენჭისყრა რა გასაკვირია, როცა ჯოკოვიჩ-ნადალის გარდა დუბაიში თითქმის მთელი ბომონდი ჩავიდა. ტურნირის საპრიზო ფონდი 2.8 მილიონ დოლარზე მეტია.
