9 იანვარს ავსტრალიაში წლის პირველი დიდი სლემის ტურნირი საკვალიფიკაციო ეტაპით გაიხსნება, 10-ში კი კორტზე პირველი ქართველი — 27 წლის ეკატერინე გორგოძე გავა. აქამდე ეკას სლემზე მხოლოდ აშშ-ის ღია ჩემპიონატში უთამაშია შარშან და კვალიფიკაციის ერთი ეტაპი დაძლია.

ეკას ავსტრალიაში ნაკლებად გაუმართლა. მისი მეტოქე ლუსია ჰრადეჩკა, მართალია წყვილებში, მაგრამ ნამდვილი მონსტრია. ორჯერ საფრანგეთის და ერთხელაც აშშ-ის სლემტიტულის მფლობელს, ამას გარდა სხვა მომცრო 22 ტიტულიც მოუგია და კარიერაში 5 მილიონ დოლარზე მეტიც უშოვია. კარიერის პიკზე ლუსია წყვილთა თანრიგის მე-4 ნომერი იყო, ახლა კი მეთოთხმეტეა. ერთეულებში ლუსია გაცილებით დაბლაა — მესამე ასეულის ზღვარზე.

რაც შეეხება გორგოძეს, კარიერის საუკეთესო შედეგი შარშან ოქტომბერში ჰქონდა — 157-ე ადგილი.

შეგახსენებთ, რომ ავსტრალიაში წყვილთა შორის ოქსანა კალაშნიკოვაც იასპარეზებს – 13 იანვრიდან კი კორტზე ჩვენი მთავარი იმედი – ნიკა ბასილაშვილი გავა. მისი პირველი მეტოქის ვინაობა მოგვიანებით გახდება ცნობილი.

წილი
წინა სტატიასერ ალექსის სულისშემძვრელი სიტყვა
შემდეგი სტატიაფული პრობლემა არ არის!
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".