ბულგარეთს, საბერძნეთს, სერბეთს და რუმინეთს 2030 წელს მსოფლიოს ჩემპიონატის ერთობლივად მასპინძლობა სურთ.

ეს 4 ქვეყანა 2028 წელს ევროპის ჩემპიონატის ერთობლივად მასპინძლობის შესაძლებლობასაც განიხილავს.

თუკი ბალკანური ოთხეული ოფიციალურად დაადასტურებს მასპინძლობის სურვილს, მაშინ მისი კონკურენტები სამხრეთამერიკული და აფრიკული სამეულები იქნებიან. ლათინური ამერიკიდან მუნდიალის ერთობლივად მასპინძლობა ურუგვაის, არგენტინას და პარაგვაის სურთ, ჩრდილოეთ აფრიკიდან კი ალჟირს, მაროკოსა და ტუნისს. მათ გარდა 2030 წლის მსოფლიოს ჩემპიონატის მასპინძლობაზე ბრიტანელებიც ფიქრობენ.

სად ჩატარდება მსოფლიოს ჩემპიონატი 2030 წელს, ფიფა 4 წლის შედეგ გადაწყვეტს.