პირველი რაუნდი მორჩა. ფრენბურთში მსოფლიო ჩემპიონატზე სუსტი ნაკრები აღარ დარჩა და 21 სექტემბრიდან მეორე რაუნდის კვარტეტთა კვარტეტში დაძაბული მატჩების ხვედრითი წილი ბევრად მაღალი იქნება. თან, ორგანიზატორების მახვილგონივრული ჩანაფიქრით, ახალი, E, F, G, H-ჯგუფების კომპლექტაცია უკვე ჩატარებული მატჩების განმეორებას გამორიცხავს. მაგალითად, E-ჯგუფში მოხვდნენ: A-ჯგუფის პირველადგილოსანი (იტალია), B-ჯგუფის მეორეადგილოსანი (ჰოლანდია), მესამე ადგილზე გასული ნაკრები C-ჯგუფიდან (რუსეთი) და მე-4 ადგილის მფლობელი D-ჯგუფში (ფინეთი). ორიგინალური ფორმულაა, რომლის სხვა საბურთაო სახეობებში მოსინჯვაც არ იქნებოდა ურიგო.

საწყისი ეტაპის მეოთხე ტურის ცენტრალური თამაში B-ჯგუფის კანადა-ბრაზილია იყო, სადაც სამხრეთელებმა უჩვენეს, რომ ჰოლანდიასთან შოკისმომგვრელი წაგება მათთვის მხოლოდ დროებითი ჩავარდნა იყო. განსაკუთრებით მეოთხე მეოთხედში მოედანზე ბრაზილია მძლავრობდა, ხოლო კანადა წინა წერილში ჩვენმა მოსაზრებამ დათარსა, რომ მისი პირველი ადგილი უფრო სუსტებზე (ეგვიპტე, ტუნისი) მძლავრობით იყო მოპოვებული, ვიდრე თამაშის მაღალი ხარისხით. იგივე განმეორდა კანადა-საფრანგეთის შეხვედრაშიც, სადაც კანადელებმა მეორე უმწეო წაგება იგემეს.

ნეკერჩხლის ფოთლებმა მამლებთან ვერ იფრიალეს

რუსეთ-სერბეთის სლავურ დერბიში ფავორიტი ძნელი განსაჭვრეტი არ იყო. ისტორიული ჩანაწერებით თუ მიმდინარე შემადგენლობით, რუსები სერბებს ერთობ აღემატებიან, მაგრამ გუშინდელი თამაშის შედეგს საშინლად მოულოდნელს ვერ უწოდებს კაცი. წლევანდელი სერბეთის ნაკრები გამოირჩევა ჟინიანი და საზრიანი თამაშით, რამაც პირველ ტურში კინაღამ აშშ-ს ნაკრების დასამარცხებლადაც იკმარა. რუსებთან სერბებმა დამაჯერებლად მოიგეს პირველი პარტია და ბოლო წამს წააგეს მეორე. მესამე პარტიაში მოედანზე საერთოდაც ერთი ნაკრები (სერბეთი) ჩანდა, მაგრამ რუსები ერთხელაც შემობრუნდნენ მეოთხე პარტიაში და საქმე ტაი-ბრეიკზე გადასაწყვეტად იქცა. მოცემულ ბმულზე გადასვლისას გახსნილ ვიდეოზე შეგიძლიათ პირდაპირ 12:47-ზე გადაახვიოთ და იხილოთ მთელი თამაშის გარდამტეხი მომენტი, როცა ნიკოლა იოვოვიჩმა დიაგონალზე რუსის მიერ უძლიერესად დარტყმული ბურთი მოიგერია და ანგარიში 11:11 გახდა. ამ ეპიზოდის ფსიქოლოგიური ეფექტი ისეთი იყო, რომ რუსები გატყდნენ და ტაი-ბრეიკი 12:15 წააგეს. მათ აქვთ შფოთვის საფუძველი – ევროპის ჩემპიონის სტატუსით პირველ ჯგუფურ ეტაპზე ხუთიდან ორი წაგებული თამაში ანალიზს და ცვლილებებს მოითხოვს.

სერბებმა მოძმე რუსებს გასაკვირად მოუგეს

ქულათა დარიცხვის ახალ, 2007 წელს შემოღებულ სისტემასთან დაკავშირებული, ოდნავ კურიოზულად შეფერილი ამბავი მოხდა A-ჯგუფში არგენტინა-იაპონიის თამაშზე. იაპონიამ პირველი პარტია მძიმე ბრძოლით მოიგო (26:24), მეორე შედარებით ადვილად დათმო (20:25), ხოლო მესამე პარტიაში, ცოტა ძველებურად რომ ვთქვათ, “ბოლშე-მენშეებით” კაიხანს გაგრძელდა თამაში და როცა არგენტინელებმა ბოლო ჩაგდებით პარტია სათავისოდ დაინარჩუნეს (32:30), მომდევნო რაუნდში გადასვლის ზეიმსაც იქვე შეუდგენენ, მიუხედავად იმისა, რომ თამაში ჯერაც არ დამთავრებულიყო. რაშია საქმე? 2 პარტიის მოგებით, არგენტინამ მინიმუმ 1 ქულა დაიბევა, ხოლო თამაში რომც წაეგო (და ასეც მოხდა, იაპონელებმა დასკვნითი ორი პარტია მოიგეს და 3:2 გამარჯვება გაიფორმეს), მეტოქეს მხოლოდ 2 ქულა დაერიცხებოდა, რაც არასაკმარისი იყო იაპონელთა მეოთხე ადგილზე გასაჭრელად. თამაში იაპონიას 3:0 ან 3:1 რომ მოეგო, იაპონია 3 ქულას მიიღებდა, არგენტინა – არაფერს და მომდევნო რაუნდსაც ამომავალი მზის ქვეყნელები უწევდნენ.

მეორე ჯგუფურ რაუნდში გუნდები პირველი ეტაპის მონაგრით გადავიდნენ, ანუ პოლონეთს, იტალიას და აშშ-ს, რომელთაც ჯერ თამაში არ წაუგიათ, ყველაზე კარგი სასტარტო პოზიცია ერგებათ.

ახალი ჯგუფების შემადგენლობა ასეთია: E-ჯგუფი – იტალია, ჰოლანდია, რუსეთი, ფინეთი; F-ჯგუფი – ბრაზილია, ბელგია, სლოვენია, ავსტრალია; G-ჯგუფი – აშშ, ირანი, ბულგარეთი, კანადა; H-ჯგუფი – პოლონეთი, სერბეთი, საფრანგეთი, არგენტინა.

პირველი ჯგუფური ეტაპი. საბოლოო შედეგები

ჯგუფი A

ნაკრებითამაში (მოგება-წაგება)პარტია (მოგება-წაგება)ბურთები (ჩაგდებული-მიღებული)ქულა
იტალია5-015-2423-32615
ბელგია3-211-8419-39410
სლოვენია3-212-10479-4639
არგენტინა2-310-11475-4696
იაპონია2-38-11414-4275
დომინიკის რესპუბლიკა0-51-15267-3980

ჯგუფი B

ნაკრებითამაში (მოგება-წაგება)პარტია (მოგება-წაგება)ბურთები (ჩაგდებული-მიღებული)ქულა
ბრაზილია4-113-6439-40511
ჰოლანდია4-112-8455-42011
საფრანგეთი3-213-7456-42011
კანადა3-211-7426-4089
ეგვიპტე1-44-13368-4263
ჩინეთი0-53-15375-4400

ჯგუფი C

ნაკრებითამაში (მოგება-წაგება)პარტია (მოგება-წაგება)ბურთები (ჩაგდებული-მიღებული)ქულა
აშშ5-015-5456-38313
სერბეთი4-114-7476-43012
რუსეთი3-212-6422-36610
ავსტრალია2-39-11428-4427
კამერუნი1-44-12334-3983
ტუნისი0-52-15317-4140

ჯგუფი D

ნაკრებითამაში (მოგება-წაგება)პარტია (მოგება-წაგება)ბურთები (ჩაგდებული-მიღებული)ქულა
პოლონეთი3-015-3445-34315
ირანი4-112-7437-40011
ბულგარეთი3-211-6395-3689
ფინეთი2-39-12453-4716
კუბა1-46-13392-4363
პუერტო-რიკო0-53-15331-4351

 

წილი
წინა სტატიამესის ჰეთ-თრიკი რეალისთვის კარგია?
შემდეგი სტატიალორია დინამოში მიბრუნდა
დავით გულუა
თუკი მეგრელი პატიოსანი გამოვიდა, ძრწოდეთ კახელებო. ნიჭზე კი ლაპარაკი ზედმეტია. უნიჭო მეგრელი ისტორიაში სულ სამი-ოთხი იყო. ჯანდაბას, ხუთი... დავით გულუა, წესიერ და ნიჭიერ მეგრელთა კატეგორიას განეკუთვნება რომელსაც კიდევ ერთი დიდი პლიუსი აქვს - თხემით ტერფამდე სარბიელელია