გავიგე, ამხანაგურებისთვის გიყურებია.- კაი ამხანაგურიც ეგ იყო. თუ თამაში ამხანაგურია, ფრედ უნდა დამთავრდეს.
- რატომ?
- აბა, რა ამხანაგობაა, თუ მე მოგიგე…
- ამხანაგური იმიტომ ჰქვია, რომ იმის მოგებით ვერაფერს მოიგებ.
- აბა კანუ და მიოლერი ამხანაგები არიან?
- ეგ რა შუაშია?
- თუ ამხანაგები არ არიან, როგორ ითამაშებენ ამხანაგურად?
- ეგრე არ შეიძლება. შეკითხვები მე უნდა დაგისვა.
- დამისვი, ძმაო, შენ რაღაცეებს ამბობ და მე რა ვქნა?
- კარგი. აბა რას ნიშნავს ამხანაგური თამაში?
- ამხანაგური თამაში უმიზეზოდ დედის შეგინებას ნიშნავს. აი, პროსტო რო უთხრა კაცს, მე მაგარი ვარ, შენ ბითურიო.
- ესე იგი, კარემბუს ამხანაგი არ ჰყავს?
- კარემბუს და მთელ მაგ ბრიგადას ერთადერთი ამხანაგი ჰყავს – ჟან მარკ ბოსმანი. ოღონდ ახლა არავინ არ იცის, სად არის.
- სად არის?
- ბოლოს დიმიტროვის სტადიონზე უნახავთ, გუნდში მიმიღეთო, იხვეწებოდა.
- მათეუსს ჰყავს ამხანაგი?
- მათეუსის ყველა ამხანაგი მეორე მსოფლიო ომში დაიღუპა. მათეუსს მარტო შვილიშვილები ჰყავს.
- ამხანაგურებზეც მაგიტომ არ ეძახიან?
- მე თუ მკითხავ, ეგეთ კაცს უნდა დაუძახო ამხანაგურ თამაშზე. აბა, ზიდანის შეწუხება იქნება?
- რა მაგარია ეს გარი კელი, როგორ უნდოდა გატანა. არ მოგეწონა?
- გაიტანდა კიდეც, ირლანდიურ წესს რომ არ შეეშალა ხელი.
- რა წესია ეგეთი?
- გოლი კომბინაციით არ უნდა გავიდეს, არამედ შემთხვევით. ეგ კიდევ სულ კომბინაციას ხლართავდა.
- არგენტინამაც ამიტომ მოუგო?
- აბა რა, მე მაინც კელი მირჩევნია ბატისტუტას.
- რატომ?
- აბა რა არის საინტერესო ბატისტუტას თამაშში? მოიქნევს – გაიტანს, მოიქნევს – გაიტანს. დიდი-დიდი, ძელს მოახვედროს. გარი კელი კიდევ მაღლა გააფრენს, დაბლა გააფრენს – სულ აცილებს, უფრო მიმზიდველია.
- კასკარინოზე რაღას იტყვი? იმანაც ხომ მოარტყა ძელს?
- კასკარინო უნდა ჩადგეს პარაგვაის ნაკრების კარში და პარაგვაი მსოფლიოს ჩემპიონი გახდება.
- რატომ?
იმიტომ, რომ ჩილავერტს თავდასხმაში თამაშის საშუალება მიეცემა. გოლის გამტანი ხომ უნდა ჰყავდეს იმ პარაგვაის?- არ ჰყავს გოლის გამტანი?
- კოსტაკურტა ჰყავს, მაგრამ ყოველთვის იტალიას ხომ არ შეხვდება?
- ამერიკამ რომ მოუგო ავსტრიას, ამაზე რაღას იტყვი?
- კალათბურთი რომ ყოფილიყო, არ გამიკვირდებოდა. არც იმ თამაშში იყო რაიმე ამხანაგური.
- ჰოდლიც გახარებული ყოფილა. ბოლოს და ბოლოს მოვიგეთო.
- აი, გულზე ხელი დაიდე და ისე მითხარი, ინსი ეთამაშება ვინმეს ამხანაგურად?
- რატომ მეკითხები?
- ეჰ, დასუსტდა რუსეთი.
- კი, თურქებთან გაუჭირდა.
- მაგას არ გეუბნები, ინსის არსებობა რომ იცოდნენ, ხომ გაუშვებდნენ ჩეჩნეთში? ერთ დღეში აიღებდა.
- ესე იგი, ინსის მეშვეობით მსოფლიოს ჩემპიონიც გახდება კაცი.
- ეჰ, ფეხბურთი რომ ომი იყოს, კი, მაგრამ ორტეგასნაირი რომ დაგეჩითება რაღა ომზეა ლაპარაკი? სულ იმის ცდაშია, როგორ მოგატყუოს.
- და გაზა?
- რა გაზა?
- გაზა რატომ არ თამაშობს ამხანაგურად?
- გაზას ხომ დაავიწყდა?
- რა?
- რომ ფეხბურთელია.
- შირერს გაახსენდა და გაზას დაავიწყდა?
- შირერს დავიწყებული ჰქონდა, რომ სხვაც ფეხბურთელია და ახლა გაახსენდა, რომ თვითონაც ფეხბურთელია.
25.04.1998
