უეფას გალა-დაჯილდოვება 30 აგვისტოს გაიმართება მონაკოში. ამ დღეს დაჯილდოვდება ასევე საქართველოს ნაკრების ვიცე-კაპიტანი და ამერიკული „სან ხოსეს“ ფეხბურთელი გურამ კაშია.
რა ჯილდოა? #EqualGame – ასე ეწოდება და წლეულს დააწესდა.
„უეფა ამ პრიზით ამბობს, რომ ფეხბურთით შეუძლია იყოს დაკავებული ყველა, განურჩევლად ეთნიკური წარმომავლობისა, ასაკისა, სქესისა, სექსუალური ორიენტაციისა, სოციალური მდგომარეობისა და რელიგიისა, – უეფას პრეზიდენტის ალექსანდრ ჩეფერინის სიტყვებს უეფასვე ოფიციალური საიტი ციტირებს.
გეხსომებათ, გასულ სეზონში, არნემის „ვიტესში“ როცა თამაშობდა, ერთ-ერთ მატჩზე ლგბტ-ის მხარდამჭერი სამკლავური გაიკეთა. ეს წერია უეფას საიტზე და ისიც აღნიშნულია, რომ ამ ჟესტის გამო, კაშიას დიდი პრობლემები შეექმნა საქართველოში.
აი, რას აცხადებს ალექსანდრ ჩეფერინი: „გურამს ვულოცავ, ის ძლიერი ხასიათის მქონე პიროვნებაა. გურამმა ღირსეული ადგილი დაიკავა ლგბტ-ის მხარდამჭერთა საზოგადოებაში, იმსახურებს ამ ჯილდოს. მიუხედავად იმისა, რომ ამის გამო სხვადასხვა ჯგუფებიდან ემუქრებოდნენ, კაშიამ მოთმინება გამოიჩინა“.
თავად კაშიას კომენტარი: „ჩემთვის დიდი პატივია, რომ უეფამ მე მარგუნა ჯილდო #EqualGame. მჯერა, რომ ცხოვრებაში თანასწორი უფლება უნდა ჰქონდეს ყველას. მადლობას ვუხდი უეფას პრეზიდენტ ალექსანდრ ჩეფერინს და ყოველთვის დავიცავ თანასწორობას, სადაც არ უნდა ვთამაშობდე“.

წილი
წინა სტატიაპოლიციამ ფეხბურთელი მოედანზე დააკავა
შემდეგი სტატიაროგორ მოვათვინიეროთ მიმინო?
ირაკლი ნინიძე
ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...