რა ღირს ბარსას სკამი?

ესპანურ პრიმერაში „ბარსელონამ” რომ „ალავესს“ 3:0 მოუგო, ვერავის გაგაოცებთ და არც ლეო მესის დუბლია უცხო ხილი.

ეს მატჩი საფეხბურთო სტატისტიკას ფულადი განზომილებით შერჩება.

„ბარსელონას“ სათადარიგოთა სკამზე გუშინ 6 ფეხბურთელი იჯდა, რომელთა საერთო ღირებულება ლამის 300 მილიონ ევროს აღწევდა – იასპერ სილესენი (13 მილიონი ), ფილიპე კოუტინიუ (155), მალკომი (41), კლემან ლანგლე (35), არტური (31) და არტურო ვიდალი (19).

ჯამში 294 მილიონი ევრო გამოდის და ეს რაფინიას გარეშე.

წინა რეკორდი ასევე „ბარსელონას“ ეკუთვნის და გასულ სეზონში მისი სათადარიგოთა სკამი 131 მილიონი ევრო ღირდა.