ტრადიციულად ორშაბათობით განახლებადი რეიტინგები გამოაქვეყნეს მსოფლიოს ქალ და ვაჟ ჩოგბურთელთა ასოციაციებმა. ქალთა შორის ერთბაშად 27-საფეხურიანი წინსვლა აქვს ეკატერინე გორგოძეს. ჰეხინგენის 60-ათასევროიანი ტურნირის მოგების შემდეგ მის მონაგარს 80 ქულა დაემატა და 357 გაუხდა. შეგახსენებთ, რომ გორგოძემ ფინალში ლორა ზიგმუნდი 6:2, 6:1 დაამარცხა. ახლა გორგოძე მსოფლიოს 168-ე ჩოგანია.

გასულ თვეში ასტანას ტურნირის მოგების შემდეგ ეს მისთვის ზედიზედ მეორე წარმატებაა და ახლა აშშ-ის ღია პირველობის საკვალიფიკაციო ეტაპისთვის ემზადება, რომელიც ერთ კვირაში დაიწყება.

რაც შეეხება ვაჟთა რეიტინგს, ნიკოლოზ ბასილაშვილის ქულათა ჯამი (1225) უცვლელი დარჩა, თუმცა ამდენივე გაუხდა ფილიპ კოლშრაიბერს და ჩვენებურს ერთი საფეხურით ჩაჩოჩება მოუხდა. ახლა ბასილაშვილი მსოფლიოს 36-ე ჩოგანია.

წილი
წინა სტატიარონალდუმ რვა წუთი იკმარა
შემდეგი სტატიადვალიშვილი და გოგუა ისევ გამოჩდნენ
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".