• ხედავ?
  • ვხედავ.
  • მერე რას იტყვი?
  • რა უნდა ვთქვა?
  • მოიცა… შენ რას ხედავ?
  • მე ვხედავ, რომ ზაფხულის სიცხემ გადაიარა.
  • აბა ერთი ესა ყოფილა. სხვას ვერაფერს ხედავ?
  • სხვა რა უნდა დავინახო?
  • როგორ, ქართულ ფეხბურთს რომ ეხაზება, ვერ ხედავ?
  • მე ვხედავ მზეს.
  • გუშინწინაც კიევში 0:4 წავაგეთ.
  • მერე რა?
  • როგორ თუ რა? 0:4 რა ამბავია?
  • შენ რამდენი გინდოდა?
  • 0:2 მაინც.
  • რა განსხვავებაა?
  • ღირსების ამბავია.
  • და 0:2 როდის წაუგიათ ჩვენებს?
  • ყოფილა ერთი ორჯერ.
  • და ეს საამაყოა?
  • როგორ გითხრა. 0:4-ს ჯობია.
  • მე მივხვდი, რატომაც აგებენ.
  • რატომ?
  • ფრენა არ უყვართ. სადაც თვითმფრინავით მიდიან, ყველგან 0:4-ს აგებენ.
  • ეგ რა მიზეზია?
  • აბა, ყველა ამბობს იდგნენო და…
  • მართალია. ჩვენები იმიტომ აგებენ, რომ დგანან.
  • და რატომ დგანან?
  • უტყდებათ.
  • რა უტყდებათ?
  • სირბილი.
  • სირბილი რატომ უტყდებათ?
  • ზოგს ეზარება, ზოგს რცხვენია, ზოგიც ამბობს არაქურდულიაო.
  • რა არის არაქურდული?
  • ბურთის აუტიდან მოწოდება.
  • და ქურდული რა არის?
  • მოედანზე გავლა-გამოვლა და მთქნარება.
  • ესე იგი, რომ არ დადგნენ, მოიგებენ?
  • ვერა, მაგრამ, ხალხს იმედს ჩაუსახავენ და არ უნდათ.
  • რატომ?
  • მერე რომ დადგნენ, ხალხი რას იტყვის?
  • ხალხი ყოველთვის ერთიდაიგივეს ამბობს.
  • რას?
  • ივერია გაბრწყინდებაო.
  • ეგ რას ნიშნავს?
  • აი, იტალიას რომ თბილისში ნიჩია გავუკეთეთ.
  • ოო, ეგ კარგი იყო. კიდევ როდის მოვახერხებთ?
  • როცა ჩეზარეს დააბრუნებენ.
  • ესე იგი, ჩვენზე არ არის დამოკიდებული?
  • ჩვენზეც არის, მაგრამ ძირითადად ჩეზარეზე.
  • და გაზა?
  • რა გაზა?
  • გაზამ იცის, რომ არაქურდულია?
  • გაზა ბოზია და არაქურდი.
  • მერე?
  • რონალდო ჭრელია.
  • და ჩვენ?
  • ჩვენ კაი ბიჭები ვართ.
  • რატომ?
  • გაქცევა გვიტყდება და იმიტომ.

22.08.1998

წილი
წინა სტატიასაქართველო ისევ თამაშგარეთშია
შემდეგი სტატიაჩრდილოლონდონი მაისურზე
გიო ახვლედიანი
გიო ახვლედიანს „სარბიელში“ ხუმრობით ცოცხალ კლასიკოსს ვეძახდით, თუმცა რაღა ხუმრობით, ერთი კრიტიკოსის აზრით, 90-იანი წლების ქართული პროზა გიო ახვლედიანის, იგივე აკა მორჩილაძის დროება იყო. „სარბიელში“, მაგალითად, ინგლისური პრემიერლიგის ამბებს მიმოიხილავდა ირაკლი გამყრელიძის ფსევდონიმით, საკრივო ამბებს კი ალბერტ ხაჩატურიშვილის სახელით. მეტწილად ცხოვრობს ლონდონში, „სარბიელში“ მუშაობისას კი მის ოთახში, კედელზე მიჭედებულ ლურსმანზე ეკიდა ჰოლმსისეული სამონადირეო ქუდი.