სჯობს გვიან, ვიდრე არასოდეს

წერილის სათაური ნასესხებია “ტურ დე ფრანსის” ოფიციალური ვებგვერდიდან და წლევანდელი ტურის გამარჯვებულს, ანუ წლის საუკეთესო ველომრბოლს, გერენტ ტომასს ეხება.

ტომასი პირველი უელსელი და მესამე ბრიტანელია, ვინც პლანეტის ყველაზე ელიტარული რბოლა მოიგო. ეს გადასარევი წარმატება ბრიტანელს 32 წლის ასაკში ჩამოუვარდა ციდან, უფრო ზუსტად, მისი სიუჯიუტეში გადასული შეუპოვრობის და მიზანმიმართულობის შედეგია. დიდხანს იდგა ტომასი ჯერ სხვათა კუდში, შემდეგ კი ჩრდილში, მაგრამ ნირი არ უცვლია და აჰა ზეიმიც.

“2007 წლის ტანჯვას რა დამავიწყებს – ამბობს ტურის ბედნიერი ტრიუმფატორი – მაშინდელ ტურზე ბოლოდან მეორე ვიყავი და ცხადად მახსოვს, რომ წინ ერთი მრბოლიც არ ჩანდა, პოლიციის მოტოციკლიღა მაცილებდა ფინიშამდე”. მიღებულმა ალიყურმა უელსელი გამოაცოცხლა და წარმატება წარმატებას მოაყოლა: 2008-დან 2012 წლამდე ტომასმა მსოფლიო ჩემპიონატების სამი და ორიც ოლიმპიური ოქროს მედლები მოიპოვა, რასაც მოაყოლა სხვადასხვა პროფესიონალური ერთ- და მრავალდღიანი ველორბოლები მთელს დასავლეთ ევროპაში, მაგრამ მთავარი სამიზნე ტომასის გაქანების მრბოლისა ხომ სამში ერთი ერთი ელიტარული შეჯიბრის მოგებაა და ამ მხრივ კი 2010 წლიდან უმაღლესი რანგის გუნდ “სქაიში” მრბოლი ტომასი სხვა გიგანტების (ბრედლი უიგინსი, კრის ფრუმი) სამსახურში დააყენეს. არ გატყდა კელტების შთამომავალი, მოითმინა და მოიგო. ყვითელი მაისურით დაიწყო ტურის დასკვნითი, 21-ე ეტაპი და გამარჯვებულის რანგში გადალახა ელისეს მინდვრებზე მოწყობილი ფინიში.

ტურ-დე-ფრანსი. საუკეთესო ხუთეულები

საერთო ჩათვლა (ყვითელი მაისური)

სპრინტერთა ჩათვლა (მწვანე მაისური)

მთის მეფის ჩათვლა (წითელკოპლებიანი მაისური)

გუნდური ჩათვლა