კრიშტიანუ რონალდუ ჯანზეა და ოპტიმიზმს, მოზღვავებულ ენერგიას და თავდაჯერებულობას ასხივებს. ტურინში, “იუვენტუსის” სამედიცინო ცენტრში მის გამოჩენას მხიარული ქაოსი მოჰყვა, რომელიც პიარ-თვალსაზრისით სამაგალითო იქნებოდა პრეზიდენტობის ნებისმიერი კანდიდატისთვის. სად იყო მაინც ამდენი ფანი, ჟურნალისტი, სმარტფონი, კამერა და საავტოგრაფე საგანი (მაისური, პოსტერი და მისთანები)? ყურთასმენის წამღებ ხმაურში “იუვენტუსის” ახალმა, 120-მილიონდოლარიანმა შენაძენმა ყველასთვის მოიცალა, ავტოგრაფები ჩამოარიგა და სამედიცინო აპარატურაზეც მხიარული სახით შედგა.
პირველი შთაბეჭდილება ეფექტური გამოდგა, დანარჩენს სერია A-ს ახალი სეზონი გამოაჩენს.
