პატარა, განაჭირი ერია ხორვატები, ჩვენი არ იყოს. რომი გინდა, უნგრეთი, ჰაბსბურგები – ვიღაცის ჩაგვრა სულ გამოუცდიათ, ბოლოს კი იდეით ნათელი და წყობით უგვანი იუგოსლავიური უღელი ედგათ თავზე. პატარა ერის გაბოროტდებაც მორევიათ ხანდახან და უსტაშები უშვიათ, მაგრამ რასაც ვერ დავუკარგავთ – ეროვნული ცნობიერება და ერთიანობის გამახვილებული გრძობა გახლავთ.

წუხელ, მონდიალ-2018-ზე ხორვატებმა იმპერია დაამხეს. არა მათი ბატონყოფილი, მაგრამ მაინც… ბალკანელებმა გაიმარჯვეს სამართლიანად და პირველებმა მოახერხეს რუსეთის არცთუ სამეოთხედფინალო, მაგრამ იღბლის დიდი მხარდაჭერით წინ მოძრავი ნაკრების გაჩერება.

“მეომრები არ ნებდებიან” – ასეთი და მსგავსი პათეტიკური სათაურები გაჩნდა ხორვატიის ბეჭდური და ელექტრონული პრესის მოწინავეებზე, მაგრამ ყველაზე ამოდსანახავი რა იყო თუ იცით? ხორვატიის ნაკრების წევრთა მატჩისშემდგომი ზეიმი სადღაც, სამზარეულოში, ჯამ-ჭურჭლის გარემოცვაში, თეფშების ფრიალით. ბარაქალა ამ ვიდეოს ავტორს…

წილი
წინა სტატიაფეხბურთი სამშობლოში ბრუნდება
შემდეგი სტატიატოჩინოშინმა მოგებით დაიწყო
დავით გულუა
თუკი მეგრელი პატიოსანი გამოვიდა, ძრწოდეთ კახელებო. ნიჭზე კი ლაპარაკი ზედმეტია. უნიჭო მეგრელი ისტორიაში სულ სამი-ოთხი იყო. ჯანდაბას, ხუთი... დავით გულუა, წესიერ და ნიჭიერ მეგრელთა კატეგორიას განეკუთვნება რომელსაც კიდევ ერთი დიდი პლიუსი აქვს - თხემით ტერფამდე სარბიელელია