რუსეთის პრემიერ ლიგის კლუბმა პერმის „ამკარმა“ დიდხანს სიცოცხლე გვიბრძანა – პერმის მხარის ბიუჯეტში გუნდის საკვები ფული გათავდა და „ამკარი“ გუშინ ოფიციალურად გაუქმდა. 1994 წელს შექმნილი კლუბი 2004-დან პრემიერ ლიგაში იყო და ერთხელ  ( 2008 ) თასის ფინალსაც უწია. „ამკარის“ ნაცვლად პერმში „ზვეზდა“ -ს გააკეთებენ და მეორე დივიზიონში ითამაშებს.

სანაღვლო ამ ამბავში ჩვენთვის არაფერია, „ამკარის“ ყოფილი ფეხბურთელის ნიკოლაი ზაიცევის  კომენტარის თარგმნა კი ღირს: „მხარის გუბერნატორმა მაკსიმ რეშეტნიკოვმა კლუბი უბრალოდ მიაგდო და ახლა რა ?  გააკეთებენ „ზვეზდას“ და ათამაშებენ მეორე დივიზიონში. თუ ვინმე გაახურებს, მოაკეტინებენ, ახალი გუნდი ხომ გავაკეთეთო. გაგიჟდება კაცი ! თან ეს ხდება მსოფლიოს ჩემპიონატის დაწყების წინ !

მერე უკვირთ, რატომ ვერ თამაშობს კარგად ნაკრები და რატომ არ იზრდებიან ამ ქვეყანაში რონალდუები და ნეიმარები. იმიტომ, რომ რუსთში კლუბის დაშლას 5 წამში ახერხებენ. სამაგიეროდ ჩვენ ყველანი ვივლით ტანკებით, ვიფრენთ გამანადგურებელი თვითმფრინავებით, ჩავალთ წყალქვეშ და გავუშვებთ რაკეტებს !

მსგავსი ამბები მხოლოდ ფეხბურთში არ ხდება. აურაცხელი მსგავსი მაგალითის მოყვანა შეიძლება ნებისმიერი სფეროდან. აღარ იქნება „ამკარი“ და რა დაგვრჩება პერმში ? კალთბურთის გუნდი „ ურალ-გრეიტი“ აღარაა, ჰოკეის გუნდიც გააუქმეს და მხოლოდ „ამკარი“ იყო დარჩენილი და ეს გვეამაყებოდა. რით ვიამაყოთ ამის შემდეგ, ციხეებით და ზონებით ? “

ციხეების და ზონების გამო კითხვის ნიშანი რომ არ დარჩეს, აქვე ვთქვათ, რომ პერმის მხარეში არის საქვეყნოდ ცნობილი, განსაკუთრებული რეჟიმის კოლონია, სახელად … „თეთრი გედი“.

წილი
წინა სტატიაუქართველოდ რაა კვიპროსი?!
შემდეგი სტატიაზაზას მონიჩბული ევროპა
ვაჟა ხუციშვილი
ვაჟა ფშაველა... უკაცრავად, ფშაველი ვაჟა, გვარად ხუციშვილი. ერთგული, ნიჭიერი და ესპანეთში ნაცხოვრები კაცია, რომელმაც „რეალის” და „ბარსელონას” ქვეყანა შიგნიდან იცის და მკითხველისთვის მრავალი საინტერესო ამბის მოყოლა შეუძლია. ხანდახან ამბობს, კუში კოშმარიაო და ვერ გაიგებ, „მაზიანების” წინააღმდეგია თუ ვიღაც კაცის სახელსა და გვარს ასახელებს.