აკი გუშინაც ვწერდით: მოსალოდნელი იყო, რომ მონღოლი ჰაკუჰო თანამემამულე კაკურიუს იმპერატორის თასისკენ მიმავალ გზაზე არ გადაეღობებოდა.

მხოლოდ ბაშოს მოგებაშიც არ არის საქმე – ლევანს ამ მოგებით იოკოძუნას ტიტულამდე ცოტაღა დარჩებოდა, იერარქიის უმაღლესი საფეხური კი სწორედ მონღოლებს აქვთ პრივატიზებული.

უნდათ, ახლა, ამათ ქართველი?!

მოკლედ: იმპერატორის თასი კაკურიუს დარჩა, ტოჩინოშინი კი მეორეა.

ქართველმა გოლიათმა პროგრამა-მინიმუმი შეასრულა და ივლისის ბაშოზე უკვე ოძეკის ტიტულით გავა.

ტიტულის მატება მისი ანაზღაურების გაორმაგებასაც ნიშნავს.

დანარჩენიც მოვა, ჩვენი მაქსიმალიზმი კი სავსებით გასაგებია – ლევანის მონდომებამ მონღოლური კედელი ჯერ ბოლომდე ვერ გაიტანა.

წილი
წინა სტატიაუიღბლო დანი კარვახალი
შემდეგი სტატიასამსაათიანი დუმილი
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".