„ცრვენა ზვეზდას” ფეხბურთელები ბეწვზე გადარჩნენ. ისინი ღია ავტობუსით სერბეთის სუპერლიგის ჩემპიონობას ზეიმობდნენ როდესაც ავტობუსი აალდა. ჩემპიონთა თასის ყოფილი მფლობელი ოცდამერვედ გახდა ქვეყნის ჩემპიონი.
ინციდენტამდე „ცრვენა ზვეზდამ” მშობლიურ რაიკო მიტიჩის სტადიონზე, რომელსაც ხალხში „მარაკანას” უფრო ეძახიან, „ვიჟდოვაჩს” მოუგო 5:1 და აღლუმით ქალაქის ჩრდილოეთისკენ დაიძრა. გზა სავსე იყო ფანებით, მაშხალებით და დროშებით.
ამბობენ, რომ ხანძარი „ცრვენა ზვეზდას” ერთ-ერთმა ფეხბურთელმა გააჩინა, რომელმაც შემთხვევით მაშხალას ნავთი შეაფრქვია. რატომ ჰქონდა ფეხბურთელს ავტობუსზე ნავთი, არ იტყობინებიან. ალბათ, მასაც მაშხალისთვის სჭირდებოდა.
თავიან მოზეიმეებმა ვერ დაინახეს ავტობუსს ცეცხლი რომ მოეკიდა, მაგრამ როდესაც ალმა სახიფათო ადგილებს მიაღწია, თავს უშველეს. საბედნიეროდ არავინ დაზიანებულა, სანახაობა კი იცოცხლეთ ისეთი იყო.
