• გაიგე?
  • რა?
  • გაზა გამოწერილა.
  • საიდან?
  • ლოთობის გადამჩვევი ცენტრიდან.
  • იქ რა უნდოდა?
  • ლუდის სმას გადააჩვიეს.
  • ლუდის სმას რა გადაჩვევა უნდა?
  • ნდომებია, ხომ ხედავ?
  • მაშინ, მთელი ჩვენი ქვეყანა იქ უნდა მოგვათავსონ.
  • ეჰ, იტყვი რაღა. სად ჩვენ და სად ისინი.
  • რა ამბავში?
  • კაი ბიჭობის ამბავში.
  • ჰო, მართალი ხარ, ჩვენი კაცობის უროვენი სხვაა.
  • იმათ მარტო თამაში იციან.
  • ჩვენ კიდევ გაგება გვაქვს.
  • მა რა? ქალაქელი ხალხი ვართ, ეგ შენი გაზა კიდევ გორსალაა.
  • პაჰ, პაჰ, პაჰ, მე მაგის გვერდზე არ ვითამაშებდი.
  • ეგ რატომღა?
  • ქაჯია. ქალაქელობის არაფერი სცხია.
  • მამენტ, რამე რო იყოს, ვერ გაგიგებს?
  • ვერა, ტო. ვერაფერს ვერ გაგიგებს.
  • პატარა ლაუდრუპიც ეგრე იქნება, ვერ ხედავ, როგორი პრიჩოსკა აქვს?
  • მე ლიჩნათ, პატარა ლაუდრუპს ძაღლისუბნელი მახორკა მირჩევნია.
  • ეგ არ გამიგია.
  • იცი, რა ფუტბოლს თამაშობდა, სანამ გაფუჭდებოდა?
  • რამ გააფუჭა?
  • გაფუჭდა, რა. ტრენერმა გააფუჭა.
  • ე, ყველას ტრენერი აფუჭებს. ალბათ, კაცობაში ჩაიჭრა.
  • ვინ, მახორკა?
  • არა, ტო, ტრენერი.
  • და ბექემი როგორ ჩაიჭრა კაცობაში!
  • და ის რო იყო, რა ქვია…
  • რონალდო.
  • ჰო, რონალდოც მაგარი ჩაჭრილია.
  • როდის?
  • როდის და ფრანგებს რო ფინალი მისცა. გასაწეწი ხო უნდა გაიწეწოს?
  • მაგათ ეგ არ იციან.
  • ვახ, მე, მაგათი ბრიოლინიანი ძალათ კაი ბიჭი…
  • ჩვენები კიდე, ქალაქელი ხალხი, იჩაგრებიან.
  • და ზიდანი როგორია კაცობაში?
  • რავი, ნიჩევო ბიჭია.
  • მაინც იუჟნი კლიენტია.
  • მე იცი ვინ მაინტერესებს?
  • აბა, ვინა?
  • აი, ის ბიძა როა, აჩკებიანი. ვეჩნათ რო სიგარა უჭირავს და თეთრი თმები რო აქვს.
  • არ ვიცი, სიმონ.
  • მაგარი ბიძაა, ვეჩნათ რო დგას ბროვკასთან და რო ეწევა. ტრენერიაო.
  • აზრზე არა ვარ.
  • აი, მაგარი ბიძაა.
  • ააა, ხო, მაგას ქვია ლიპი.
  • ლიპი.
  • აბა, ჩემი ამის და იმის.
  • ეე, როგორ გამიტეხე, ეგეთ კაი ბიძას პროსტო ლიპი ქვია?
  • რავი, იქ ხო ეგრე ქვიათ.
  • ეე, მაგრა გამიტყდა.
  • ხო იცი, როგორები არიან.
  • და გაზა?
  • გაზას ძალათ კაი ბიჭი…
  • უწითლესი.
  • ფუტბოლი პირდაპირ გაიმასქნდა…
  • და ჩვენი ბიჭები?
  • ჩვენ ბიჭებს ხო ვერ უგებენ, სიმონ.

31.10.1998

წილი
წინა სტატია“რეალის” მოღალატე თუ მცივანა ნადალი?
შემდეგი სტატიადონკასტერმა რა ქნა?
გიო ახვლედიანი
გიო ახვლედიანს „სარბიელში“ ხუმრობით ცოცხალ კლასიკოსს ვეძახდით, თუმცა რაღა ხუმრობით, ერთი კრიტიკოსის აზრით, 90-იანი წლების ქართული პროზა გიო ახვლედიანის, იგივე აკა მორჩილაძის დროება იყო. „სარბიელში“, მაგალითად, ინგლისური პრემიერლიგის ამბებს მიმოიხილავდა ირაკლი გამყრელიძის ფსევდონიმით, საკრივო ამბებს კი ალბერტ ხაჩატურიშვილის სახელით. მეტწილად ცხოვრობს ლონდონში, „სარბიელში“ მუშაობისას კი მის ოთახში, კედელზე მიჭედებულ ლურსმანზე ეკიდა ჰოლმსისეული სამონადირეო ქუდი.