რას არ გაიგებ: „ბარსელონას” შემდეგ სეზონში ლუკ შოუს იჯარით აყვანა უნდაო. არადა, „მანჩესტერ იუნაიტედის” მარცხენა მცველი ჟოზე მოურინიუს ხელში ძირითად შემადგენლობასთან მთლად შენობით ვეღარ არის.
შოუ 22 წლისაა. რატომ არ ყიდულობს „ბარსელონა” მანჩესტერელს მუდმივმოქმედი კონტრაქტით? როგორც ამბობენ, კატალონიურ კლუბს სახსრები ძირითადად „ატლეტიკოდან” ანტუან გრიზმანის გადასაბირებლად და „ლივერპულისთვის” ფილიპე კოუტინიუს თანხის გასასტუმრებლად აქვს მობილიზებული.
შოუს მოურინიუ რეგულარულად საჯაროდ აკრიტიკებს. მწვრთნელსა და ფეხბურთელს შორის ბოლო გაუგებრობა მოხდა მარტში, ფეხბურთის ასოციაციის თასზე, „ბრაიტონთან” 2:0 მოგების დღეს, როდესაც „განსაკუთრებულმა” მცველი პირველი ტაიმის შემდეგ შეცვალა. შოუსთვის ეს გახლდათ მხოლოდ მეთხუთმეტე თამაში მიმდინარე სეზონში.
ლუკ შოუ „მანჩესტერ იუნაიტედში” 2014 წელს „საუთჰემპტონიდან” გადავიდა. იმ წელიწადს მცველი პროფესიონალ ფეხბურთელთა წლის სიმბოლურ გუნდში მოხვდა. პირველ სეზონში „ოლდ ტრეფორდზე” მან მაიმცდამაინც ვერ გაიბრწყინა, მაგრამ შემდეგ წელიწადს უფრო გამოყოჩაღდა.
რამდენიმე წლის წინ ლუკ შოუს ინგლისის ნაკრების მომავალ ფეხბურთელად მიიჩნევდნენ, მაგრამ ამ ეტაპზე ეჭვი არავის ეპარება, რომ გარეთ საუთგეიტი მას რუსეთში, მსოფლიოს ჩემპინატზე არ წაიყვანს.
