ნეიმარისა და მისი ტრავმის გარშემო ატეხილმა აურზაურმა ბრაზილიელის თანაგუნდელები როგრც ჩანს გააღიზიანა. „პარი სენ ჟერმენის” 22 წლის მცველმა პრესნელ კიმპემბემ „ლე პარიზიენისთვის” მიცემულ ინტერვიუში ყოფილი ბარსელონელის შესახებ დასმულ კითხვას ასე უპასუხა:
„კიდევ ნეიმარი? იქაც ნეიმარი, აქაც ნეიმარი, ყველგან ნეიმარი… აღარ ვიცი რა ვთქვა. ვერ ითამაშებს და ნუ ითამაშებს, მწვართნელი სხვა ფეხბურთელს გამოიყვანს”.
მოგეხსენებათ, ნეიმარმა ფეხი იტკინა და საოპერაციოდ ბრაზილიაში გაემგზავრა. მას დაახლოებით ორი თვე გაუცდება.
რაც შეეხება ჩემპიონთა ლიგაში „პარი სენ ჟერმენისა” და „რეალის” საპასუხო მერვედფინალურ შეხვედრას, მასზე კიმპემბემ თქვა:
„ყველა ღონეს ვიხმართ მეოთხედფინალში რომ გავიდეთ. ნეიმარი არ იქნება, მაგრამ მთავარი, რასაკვირველია, გუნდია”.
„რეალისა” და „პარი სენ ჟერმენის” პირველი შეხვედრა მადრიდელთა გამარჯვებით 3:1 დასრულდა.
