პიონგჩანგში, სნოუბორდისტი ესტერ ლედეცკა გასულ შაბათს სუპერგიგანტური სლალომის სტარტზე რომ დადგა, ისტორიაც იმ წამს შეიცვალა – ჩეხ გოგონამდე სპორტის ორ სახეობაში ზამთრის ოლიმპიადაზე არავის ეასპარეზა. ესტერი იმ თხილამურებზე იდგა, ამერიკელმა სუპერვარსკვლავმა მიქაელა შიფრინმა რომ დაიწუნა. ორივეს ერთი მომმარაგებელი ჰყავს, მაგრამ პირველი არჩევანის უფლება ამერიკელს აქვს.
ესტერმა დაფარა დისტანცია, ტაბლოს ახედა და დიდხანს ელოდა, რომ შეცდომას შეასწორებდნენ. არ შეასწორეს. მისი დრო საუკეთესო აღმოჩნდა! ახლადგამომცხვარი ჩემპიონი პრესკონფერენციაზე უზარმაზარი სათვალეებით მივიდა – მაკიაჟის გაკეთება ვერ მოვასწარიო…
დღეს ესტერ ლედეცკა უკვე სნოუბორდის სტარტზე დადგა პარალელურ სლალომშიც სწორუპოვარი გახდა.
ისე, მისი ორი ოქრო ჯერჯერობით, ორად ორია ჩეხეთისთვის მიმდინარე პიონგჩანში.
თოვლის პრინცესას სამშობლოში ზღაპრულ დახვედრას უკვე უმზადებენ.
