• წილისყრის შედეგებს თუ გაეცანი?
  • რომელი წილისყრის?
  • ჩემპიონთა ლიგის.
  • არავითარი წილისყრა არ ყოფილა.
  • როგორ, აი, წყვილები.
  • ჰმ… წყვილები.
  • რატომ დამცინი?
  • კარგად შეინახე ეგ წყვილები, არავინ მოგპაროს.
  • აჰა, ჩაიხედე და ნახავ, თუ არ იყო წილისყრა.
  • არ მინდა, მე ეგ წყვილები აგვისტოში ვიცოდი.
  • ვა?
  • რა ვა? ვიცოდი.
  • საიდან?
  • გამოვთვალე ყველაფერი ჩაწყობილია.
  • ყველა თამაში?
  • სად ხედავ თამაშს?
  • ვინ ჩააწყო?
  • მე რა ვიცი, ჩაწყობილია. ყველაფერი წინდაწინ ვიცოდი.
  • შენ ლიგი მომგებიც გეცოდინება.
  • ვიცი, „იუვენტუსი“ მოიგებს.
  • აბა, თამაშს რაღა აზრი აქვს?
  • ფული ხომ უნდა გაკეთდეს.
  • ვინ აკეთებს ამ ფულს.
  • ყველა.
  • სისულელეა. ზიდანმა იცის, რომ ჩაწყობილი?
  • არასწორი შეკითხვაა.
  • რატომ არის არასწორი? ოთხასოთხმოცმა ფეხბურთელმა, ოცდაოთხმა მწვრთნელმა, ოთდაოთხმა პრეზიდენტმა და კიდევ ვიღაც ჯეელებმა იციან, რომ ჩაწყობილია და მე არ ვიცი?
  • მე ხომ ვიცი?
  • შენ ვინ გითხრა?
  • ჩემით გამოვთვალე.
  • ზიდანს მაინც არ ეცოდინება.
  • დღეს მთავარი გატანა არ არის.
  • აბა, რა?
  • როცა საჭიროა გაიტანო, როცა საჭიროა ააცილო.
  • ეგ რაღა ფეხბურთია?
  • ვინ გითხრა რომ ფეხბურთია?
  • აბა, რა არის?
  • მე რა ვიცი. „იუვე“ აიღებს, აი, ნახავ.
  • რატომ?
  • რიგმა მოუწია.
  • რიგმა მოუწია?
  • ჰო, პურის რიგში რომ დგახარ, ხომ მოგიწევს პური?
  • შენი აზრით, ფეხბურთი პურის რიგია?
  • „იუვე“ აიღებს.
  • და „ინტერი“?
  • „ინტერი“ უკვე ჩამდგარია რიგში.
  • და „მანჩესტერი“?
  • აი, ეგ მაეჭვებს. კარგად ვერ გამოვთვალე „იუვეს“ რიგია, თუ „მანჩესტერის“.
  • რატომ?
  • ინფორმაცია არ არის.
  • და გაზა?
  • გაზა რა შუაშია?
  • გაზამაც იცის, რომ ჩაწყობილია?
  • გაზას ვინ ეტყვის მაგას.
  • სიმეონეს თუ ეუბნებიან?
  • მე რა გითხარი, მაგის სახელი აღარ ახსენო-მეთქი.
  • სისულელეა. ეგრე არ არსებობს.
  • რო აიღებს, მერე ნახავ.
  • შეიძლება აიღოს, მაგრამ ეგ ჩაწყობას ნიშნავს? „იუვე“ ისედაც სულ ფინალშია.
  • ჰოდა, მოუწია რიგმა.
  • „მანჩესტერი“ რომ არასდროს არის ფინალში? როგორღა მოუწია?
  • ეეე, უნდა გამოვთვალო.
  • მასწავლე ეგ გამოთვლა.
  • არ ისწავლება.
  • ალგებრა ისწავლება და ეგ არა?
  • გამოთვლა ფეხბურთი ხომ არ გგონია?

19.12.1998

წილი
წინა სტატიადოპინგშუბი რუსულ ხალთაში
შემდეგი სტატიაკორეა ერთია — ჩრდილოეთი და სამხრეთი!
გიო ახვლედიანი
გიო ახვლედიანს „სარბიელში“ ხუმრობით ცოცხალ კლასიკოსს ვეძახდით, თუმცა რაღა ხუმრობით, ერთი კრიტიკოსის აზრით, 90-იანი წლების ქართული პროზა გიო ახვლედიანის, იგივე აკა მორჩილაძის დროება იყო. „სარბიელში“, მაგალითად, ინგლისური პრემიერლიგის ამბებს მიმოიხილავდა ირაკლი გამყრელიძის ფსევდონიმით, საკრივო ამბებს კი ალბერტ ხაჩატურიშვილის სახელით. მეტწილად ცხოვრობს ლონდონში, „სარბიელში“ მუშაობისას კი მის ოთახში, კედელზე მიჭედებულ ლურსმანზე ეკიდა ჰოლმსისეული სამონადირეო ქუდი.