ჩემპიონშიპის „ნოტინგემ ფორესტმა” ასოციაციის თასიდან „არსენალი” გააგდო – 4:2 მოუგო. მასპინძელმა ერიკ ლიხაიმ დუბლი შეასრულა – პირველი და მეორე გაიტანა – და მესამეც რომ მიეთვალა, ცოლი ძაღლს აჩუქებდა. მე-3 და მე-4 გოლები „ნოტინგემმა” პენალტებით შეაგდო, მაგრამ ლიხაის აღარ დაარტყმევინეს.
პოლონური წარმოშობის, აშშ-ს ნაკრების მცველმა ნამატჩევს თქვა: „ცოლი შემპირდა, ამ სეზონში ჰეთ-თრიქს თუ შეასრულებ ძაღლს გიყიდიო და პენალტის დასარტყმელად წავედი, მაგრამ დევიდ ვონი მომიახლოვდა და კორექტულად – არ დავაკონკრეტებ – მითხრა, საპენალტეს მოშორდიო”.
1908 წლის შემდეგ „არსენალმა” ქვედა დივიზიონის გუნდისგან სათასო მატჩზე პირველად გაუშვა 4 გოლი, ვენგერის ხელქვეით პირველად გამოვარდა მე-3 რაუნდიდან და ლიხაის ცოლი კი, იმედია, ქმარს კატას მაინც აჩუქებს დუბლისთვის.
